هاجم مطرب المهرجانات عمر كمال، المطرب والملحن عمرو مصطفى بعد إعلانه استخدام صوت الشرق أم كلثوم في الذكاء الاصطناعي .
وكتب عمر كمال عبر حسابه الشخصي بموقع التواصل الاجتماعي فيس بوك، قائلًا: طب لو أفترضنا أن فيه برنامج عرف يجيب صوت أم كلثوم مثلا وده مش هيحصل أصلا لان ده صوت نازل بالجودة بتاعته من السما ملهوش بديل .. هتجيب أحساسها منين ووجعها وهيا بتقول ” وعايزنا نرجع زى زمان قول للزمان أرجع يا زمان ” هتجيب منين الشموخ والكبرياء اللى ف صوتها وهيا بتقول ” بدى أشكيلك من نار حبى بدى أحكيلك ع اللى ف قلبى وأقولك ع اللى سهرنى و أقولك ع اللى بكانى وأصورلك ضنا روحى وعزة نفسى منعانى ” .
وأضاف: صوت الانسان عبارة عن احساسه وتجارب حياته اللى عاشها كل ده بيصنع صوته وملامح صوته استحالة اى حد مش برنامج بس يعرف يجيب احساس حد او حتى عوربة حزن او احساس جملة قالها الصوت الحقيقى .. الذكاء الاصطناعى حلو جدا للموزعين والملحنين هيخليهم يبيعوا شغل كتير بجد لانه ممكن يبعت للمطرب او المطربة أغنية خلصانة كلام و لحن وتوزيع متغنى بالذكاء الاصطناعى بصوت بلاستيك قريب من صوته فا المطرب هيشوف نفسه ف الموضوع علطول وهيعرف ان الاغنية بتاعته ولايقه عليه جدا وبدال ما يقول للموزع او الملحن سبنى كام يوم اشوف فيها نفسى واجرب صوتى عليها هيقوله الاغنية بتاعتى علطول لانه شاف نفسه فيها .. لكن ان الذكاء الاصطناعى يعمل نجم أستحالة البلاستيك يبقى زى الحقيقى