رجاء الجداوي/ كشفت أميرة مختار، ابنة الفنانة الراحلة في حوار خاص لـ “أوان مصر” عن أهم الحقائق في حياتها، كما صرحت عن تفاصيل وخبايا لا يعرفها الكثيرين، موضحة الجانب الانساني التي كانت تتمتع به النجمة القديرة، ونص الحوار على مايلي…
ما اكثر شيء كانت تحبه؟
كان اهم حاجة في حياة رجاء الجداوي والدتها وانا وابنتي، وكانت تحب القرأة كثيرًا وكانت بتقرأ في جميع العلوم ولجميع الكتاب وكانت عاشقة للقراءة هي وولدي، وكان في مكتبة كبيرة في البيت .
هل كانت تفضل مكان معين بالمنزل؟
مكنتش بتحب تقراءة في مكان معين كانت ساعات بتجلس في غرفتها ولازم هي تلاقيها مصاحبة للكتاب بشكل يومي .
ما مدى علاقتها بالحيوانات ؟
كانت عندنا كلاب ديما بتجيب الكلاب عشاني وكانت في كلب عندنا وكانت مرتبطة بيه جدا، وكانت بتهتم بالعصافير اللي في الجنينة وبتاكلهم، وبتحطلهم ماية بنفسها وكانت بتحط ماية للقطط في الحر، وكانت حنونة اوي .
هل تستمري علي نهجها في فعل الأشياء التي تحبها ؟
أكيد، بهتم بكل شئ ماما كانت بتعمله واجب علينا اننا نكمله .
من هم اصدقائها المقربين؟
الفنانه دلال عبدالعزيز، والفنانه مرفت امين، والفنانة أميرة علي، والمذيعة بوسي شلبي تعتبر بنتها واكتر كمان وطبعا أميرة على كانت من اقرب الناس وكانت من ضمن العيلة.
ماذا كانت تفعل حتي تتمكن من تطوير نفسها ؟
كان في عندها مرونة في شخصياتها وكانت تطور نفسها وتواكب الجديد، مكنتش بتوقف عن سن معين وكان عندها قناعة داخلية انها لازم تكون جمب الشباب الجديدة والنجوم الجديدة، وكانت انسانة جميلة وده اللي بيميزها انها ديما متطورة.
ما هو الفرق بين رجاء الام ورجاء الممثلة ؟
الام ملهاش نظير في الكون ولا استطيع ان اوصفها من كتر جمالها وكل شئ جميل وعظيم، ولما بشوف ادوارها كانت بشوفها ممثلة ناجحة جدا لانها بعيدة كل البعد عن شخصيتها وهي كانت متوضعة جدا في شخصيتها وكانت مختلفة تمام .
ما الدور التي جسدته رجاء ويمثل شخصيتها في الحقيقة؟
لما كانت بتعمل دور ام كانت بتبقى اضعاف في الحقيقة من ناحية الحنية والاهتمام، وهي كائن كانت عايشة عشاني انا وبنتي وحتى وهي في المستفشى اتمنت انها تقوم بالسلام عشاني انا وبنتي.
ما هي آخر وصية لها ؟
قالتلي خلي بالك من نفسك حبي نفسك اكتر من كده بكتير عشان خاطري .
ما الكلمة التي توصف شخصية رجاء الجداوي ؟
رجاء الجداوي كانت انسانة عظيمة ولم تتكرر مش عشان امي بس عشان هي انسانة استطاعت ان تحرف باحترمها واخلاقها في قلوب الناس
كيف كان يدور يوم رجاء ؟
السؤال على العيلة مع ولاد خالتي ومع عمتي اخت ابويا ديه من الاساسيات في حياتها ليها طقوس بليل المصحف والسبحة والحاجة اليومية اللي بتحصل كل يوم .
ترددت انباء عن انها اتجهت الي المصحف في آخر ايامها فقط .. ماتعليقك ؟
هذا الامر يخص علاقتها بـ ربنا، وديه حاجة خاصة بيها لوحدها لكن الحقيقة هي كانت حريصة على انها تقرأ قرأن دايما، بس انا مش برد على انتقادات واصلا مفيش حد انتقدها خااالص ويمكن انتقدوني انا عشان قلعت الحجاب بس هي لا منتقدوهاش خالص
ما الاعمال المفضلة لكِ من حياة رجاء الفنية؟
بحب كل اعمالها عشان بشوفها ممثلة قديرة وبشوفها انها ممثلة من العيار التقيل وكانت ديما بتنظر نقدي ورأيي لاني صريحة جدا.
ما هي الاسرار التي لم تكشف عنها حتي الآن ؟
مكنش ف حياتها اسرار وكان اي شئ تعمله بتظهره وبتقوله وكانت ديما قوية وبتقدر توقف وتواجه وشخصيتها قوية جدا .
هل من الممكن ان يتم عمل معرض لعرض مقتنيتها ؟
انا عندي كل حاجة بتاعتها وفي حاجات بتاعتها انا باستخدمها، وطبعا ده يشرفني ان اعرض اشياء امي مدام هتخلد ذكرى جميلة لامي.