كشف إيهاب خورشيد نجل المنتجة و المخرجة الكبيرة اعتماد خورشيد عن تدهور حالة والدته الصحية بشدة رغم خروجها من الرعاية المركزة.
و في تصريحات خاصة لـ «أوان مصر» ، قال خورشيد : مش عايز اخبي عليكوا بس أمي تعبانة جداً و انا مش عارف النقابة و المسؤولين فين محدش بيتواصل معانا و محدش بيرد علينا و حالتها بتسوء كل يوم اكتر .
بيعالجوا كل الفنانات و الراقصات
و تابع حديثه : بيعالجوا كل الفنانات و الراقصات و سايبين والدتي مبيسألوش عليها ، انا عايز أفهم ليه شدة الكره ده ناحية والدتي ، هي خدمت مصر بكل ما تملك ، هل ده يكون جزائها؟ ، ولا هي علشان كشفت فسادهم و فضحتهم .
و في سؤاله عن ما اذا كان أشرف زكي قد تواصل معه قال : كلمته مبيردش و محدش معبرنا ولا من الجهات الحكومية ، كل اللي بيكلمونا الاحرار انا بسأل فين نقيب المهن التمثيلية و ليه مبيردش علينا هل فيه حاجه انا مش عارفها ؟.
أزمة صحية
وكانت الفنانة والمنتجة اعتماد خورشيد، تعرضت لـ أزمة صحية شديدة ومشاكل حادة في التنفس قبل 3 أسابيع تقريبًا، وظلت تترد على المستشفى وتُقيم به لأيامٍ عدّة لحين تحسن حالتها الصحية، إلا أنّها طلبت من نجلها قبل أيام العودة بها إلى المستشفى مجددًا، لرغبتها التواجد بجانب الأطباء ومتابعة حالتها الصحية.