أوضحت الإعلامية إيمان الحصري عن أصعب اللحظات التي مرت بيها خلال أزمتها الصحية التي تعرضت لها منذ حوالي 8 أشهر.
إيمان الحصري تروي أصعب مواقفها مرت بها أثناء أزمتها
وصرحت خلال حوارها مع الإعلامية اسعاد يونس، ببرنامج صاحبة السعادة الذي يعرض عبر قناة “dmc ” الفضائية في تمام الساعة 11 مساءً يومي الأثنين والثلاثاء، قائلة: “اصعب وقت اللي اتنقلت فيها من العناية لعناية والنقل ده كان صعب جدا والالم لا يمكن انساه ابدا وانا بشكر اللي في مستشفى وادي النيل بالتحديد لانهم اتحملوا المسئولية بجد”.
وجهت رسالة لـ جميع فريق عمل مستشفى وادي النيل الذين تطوعوا لانقاذها، قائة: “كنت بسمع عن المرض والالم بس لما مريت بالتجربة عرفت خلاص الناس ديه بتمر باية او عايشة ازاي شكرا بجد لـ فريق طب وادي النيل لانه تطوع لمعالجتي”.
إيمان الحصري تكشف كواليس أزمتها الصحية
وتابعت قائلة: “من الحاجات الصعبة في المرض إنك مش حرة وإن وجودك في الحياة يكون مرتبط بأجهزة ماكنتش بقدر اتحرك لوحدي .. كنت بقعد مع نفسي كتير وبفكر في النعم .. احنا بجد واخدين كل حاجة .. زمان لما كنت بسمع الكلام ده كنت بحسه كلام إنشائي بس لا.. ده بجد .. ده أنا كنت بقدر أمشي لوحدي واعمل كل حاجة لنفسي مش إني احتاج مساعدة عشان بس اتعدل في السرير .. أنا قعدت فترة كبيرة ماباكلش ولا بشرب ولا بتحرك”.