تحدثت الإعلامية إنجي علي ، عن المساواة بين الرجل والمرأة، ودولاخم في المجتمع ، وذلك خلال لقائها مع الإعلامي مع سعيد جميل، في برنامجه أنا سعيد، الذي يتم عرضه عبر شاشة قناة القاهرة والناس.
وقالت إنجي علي:«أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهاردة أخدوا حقهن تالت ومتلت على جميع المستويات، ده من وجهة نظري وده رأيي، الحياة كلها آدم وحواء من بدء الخليقة».
ووجهت إنجي علي نصيحة للسيدات اللاتي تحملن أزواجهن ما يفوق مقدرتهم المادية: «بقول للستات اللي بيضغطوا على أزواجهم وبيطلبوا أكتر من قدراته يهدوا شوية والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه».
وأضافت:« نزول الست للشغل بيخليها تهبش في أي حد بسهولة، وده حصل معايا لأني كنت شخصية خجولة ومبقدرش أقول لأ، لكن نزولي الشغل واحتكاكي بـ فئات مختلفة علمني إني أواجه».
وتابعت: «أنا بحب الناس ومقدرش أعيش من غير الناس، وربنا إداني نعمة كبيرة جدًا وهي نعمة الأصحاب، وأنا بشوف دايمًا إن اللي عنده أصحاب كويسين في الزمن ده يبقى محظوظ».