أفصحت الفنانة إلهام شاهين عن رأيها في الشروط التي وضعت من قبل الفنان حسين فهمي، رئيس مهرجان القاهرة السينمائي الدولي، فيما يخص ملابس الفنانين على الريد كاربت المهرجان بدورته الـ 44.
وقالت إلهام شاهين، خلال لقائها مع قناة DMC، على هامش فعاليات حفل افتتاح مهرجان القاهرة السينمائي: “فيه شياكة واحترام وطبيعي إحنا كمان في الشتاء مش لازم نلبس مفتوح، وطبيعي بيفرق لما بيبقى مهرجان جوا القاهرة أو في بلد ساحلية على البحر”.
وأضافت: “مثلًا مهرجان الجونة، إحنا حتى بيبقى عندنا شنطة سفر بنقول دي للبحر، ولبس معين مبنقدرش نلبسه جوا القاهرة، ونفس الشيء اللي كنا بنقدر نلبسه في مهرجان الجونة لأنه بلد بحر وصيف ولبسنا أقرب لـ لبس البحر”.
وعن الفنان الكبير سمير صبري، قالت: “الله يرحمه سمير صبري، كان فنان كبير ونجح في كل المجالات اللي اشتغل فيها، وهو موسوعة من المعلومات، وسمير من الشخصيات المهمة أوي في حياتي وصديق غالي وأخ عزيز علينا كلنا ومجاملاته كانت للجميع، وأنا سعيدة بتكريم اسمه النهاردة لما قدمه من أعمال فنية وأعمال إنسانية”.