شنت الفنانة إلهام شاهين هجوما حادا على الإعلامية ياسمين عز، عبر برنامجها كلام الناس، المذاع عبر قناة إم بي سي مصر، واستفزازها للمشاهدين، بالدفاع المبالغ فيه عن الرجال في محاولة منها لتصدر التريند.
وعلقت إلهام شاهين، على تصرفات ياسمين عز على هامش تكريمها بمنتدى الحياة للثقافة والفنون”: “أنا معرفهاش، والإعلام والصحافة بتعيد كلامها ولما بيتعاد بيتعملها دعاية كدا”.
وتابعت إلهام شاهين قائلة: “ياجماعة اي حاجة مش عجبانا في المجتمع منروجلهاش هتتنسي وهتهدا وتموت، طول ما أحنا بنقعد نتكلم فيها طول ما أنتوا فاتحين الموضوع، التجاهل أحسن شيء”.
وعن تخصيص ياسمين عز محتوى برنامجها للحديث عن الرجل ومميزاته وتجاهل دور السيدات قالت إلهام شاهين:”ليه الراجل مايحطش الست تاج على رأسه، يا جماعة هي مش خناقة بين الراجل والست علشان نقول مين يعمل لمين ومين يهتم بمين؟، هما الأتنين لازم يهتموا ببعض لازم يحترموا بعض، ويكونوا قيمة جميلة في حياة بعض وبينهم ومودة ورحمة وسكينة”.