أثار إعلان سيتروين، ضجة كبيرة عبر مواقع التواصل الاجتماعي، خلال الساعات الماضية، بسبب مشهد تصوير الهضبة لـ امرأة اعجبته، أثناء سيره بسيارة سيتروين.
واعتبر الجمهور أن هذا المشهد في إعلان سيتروين غير لائق، وبمثابة إهانة كبيرة للمرأة، مزعمين بأنه يحرض على التحرش بالنساء، وظل المتابعيين ينهالون بالتعليقات الانتقادية، عبر حساب سيتروين الرسمي على موقع التواصل الاجتماعي “إنستجرام”.
إعلان سيتروين وعمرو دياب أمام سهام وانتقادات الجمهور
وبعد العديد من الهجوم والانتقادات، قررت الشركة سحب الغعلان من المنصات والمواقع الغلكترونية، احترامًا لرغبة الجمهور، ويستعرض لكم موقع «أوان مصر» فيما يلي أبرز انتقادات الجمهور لـ إعلان سيتروين:
-الاعلان كان غير لائق مش البعض شافه غير لائق!!!!! و مفسرناش حاجة غلط هو غلط! اعتذرو زي الناس!
–كنتم عاملين فيها جامدين اوي امبارح و يتمسحوا كل الكومنتس. تعالوا بالذوق احسن و ستات مصر خط احمر
-ابقوا غيروا تيم الماركتنج بقى بالمرة عشان دي مكنتش فكرة ناس عاقلة ولا بروفيشنال من أساسه
–يعني الكاميرا مينفعش تصور غير واحدة ست و من غير رضاها و اذنها ؟
–هو انتوا بتعرفوا تصوروا التحرش عادي بس بتخافوا تكتبوا الكلمة؟ اعلانكوا كان جايب اكبر مغني في الوطن العربي و هو بيتحرش ب واحدة في الشارع بلاش خيابة. غير لائق فعلا.
–مصممين افكار الاعلانات في “سيترون” عندهم إفلاس فكري
–هو مشهد تحرش، مش تفسيره كان سلبي. حتى البيان مش قادرين تعترفوا انه غلط وبتقولو انه اتفسر بشكل سلبي. اعتذار سيء زي الاعلان بالظبط
–لما تيجو تعتذروا اعتذروا اعتذار محترم يليق بالقر. ف اللي شفناه في الاعلان ده
–المشهد فعلاً كان سلبي وغير لائق تماماً وياريت تاخدوا حظركم وماتغلطوش غلطه زي دي تاني
–يا ريت بقا تفكروا كويس في اعلانتكم لانكم الي خسرتوا ودفعتوا لعمرو دياب الي مفيش حد قاله ان الاعلان غلط اهم حاجة عنده الفلوس و في الاخر الاعلان اتشال
–ماتجيبوش عمرو دياب تاني بقى
–وهو التقاط اللحظات عندكو بانكو تصوروا ستات متعرفوهاش ماشيين في الشارع بدون علمهم ولا اذنهم؟ انتو بتقولوا ايه ايه الاستهبال ده