نعت إيمي أبنه الفنان الراحل طلعت زكريا، الرئيس الأسبق محمد حسني مبارك، الذي رحل صباح اليوم، عن عمر يناهز 91 عامًا.
ونشرت إيمي عبر حسابها بـ”انستجرام”، صورة لوالدها الفنان الراحل طلعت زكريا والرئيس الأسبق محمد حسني مبارك، وعلقت عليها: “رد الجميل كان بابا بيحكيلى عن مقابلته للرئيس لأول مرة وكان راجع فرحان أوى بصرف النظر عن أنه وقف جنبه ورجعه مصر بعد رحله علاج طويله ف باريس”.
وتابعت: “وبعد رجوع بابا من فرنسا وتماثله الشفاء كلمه الرئيس في التليفون وقاله نفسك ف إيه ياطلعت قاله إنى أشوفك ياريس، وفعلا بعد عام من المكالمة دى كلمه مكتب الرئاسة، وقاله فى ميعاد مع الرئيس غدا وافتكر اليوم ده كويس”.
واستكملت: “بابا منامش لغايه ميعاد المقابلة وأول الريس لما شاف بابا قاله أنت جاى تقابل رئيس جمهوريه ياطلعت مش لابس بدلة ليه جاى بقميص وبنطلون وضحك معاه قاله من كتر التوتر ياريس معرفتش بلبس إيه”.
واختتمت حديثها قائلة: “قد إيه كان راجل جميل ربنا يرحمك ياريس أنت وبابا وكل أمواتنا لغايه الآن إحنا على تواصل مع علاء مبارك ودايما بيسأل علينا”.