كتبت/ سارة إبراهيم
دافع الفنان المصري محمد أسامة، الشهير بـ “أوس أوس“، عن زوجته واعتذر لها، بعد تعليقات بعض المتابعين، والذين تنمروا عليها بعد حضورها حفل زفاف شقيقة الفنان مصطفى خاطر، في أول ظهور لها بعد وفاة ابنها “علي”.
ونشر أوس أوس صورة تجمعه بزوجته، على حسابه بموقع “انستجرام”، وعلق قائلا: “أنا مش محتاج أبرر وأحكي أي حاجةعن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده )”.
وأضاف: “الفلوس ممكن تشتري سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدأ من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه !”.
أوس أوس يعتذر لزوجته:
واعتذر لزوجته، بقوله: “انا بقول الكلام ده ولن أسمح بأى تدخل في حياتي الشخصية مرة أخرى سواء بالخير او بالشر او دخول اسم مراتى فى اى كلمه من كلام المرضى النفسيين .. مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل”.
واختتم أوس أوس كلامه، قائلا: “سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس”.
اقرأ أيضا: أول ظهور لزوجة أوس أوس بعد خبر وفاة ابنهما الرضيع