هاجم الإعلامي محمود سعد الدعوات المطالبة للمصريين بتناول أرجل الفراخ كوجبة بعد ارتفاع أسعار الدواجن، منها دعوة المعهد القومي للتغذية لتناول أرجل الدجاج، وذلك من خلال فيديو له عبر حسابه الشخصي بموقع التواصل الاجتماعي فيسبوك.
تصريحات محمود سعد
وقال محمود سعد: لو سيادتك بتحب رجل الفراخ كلها محدش منعك هي مش محرمة، كلها بس ملكش دعوة بالشعب ارحموا الناس كفاية كدا، كفاية تهزيق في الناس.
وأضاف: أنت فاكر إن المصريين مبياكلوش رجل الفراخ، سيادتك انزل السوق هتلاقي في ستات عواجيز ورجالة بيشتروها، هما بيكلوها يا أخي بس البيوت أسرار.
وواصل: عايز تبلغ الناس بإيه، سيب الست المصرية في حالها، الشعب بيعرف يدبر أموره سيبوهم في حالهم.. طب ما ناكل ريش الفراخ حلو، شوية وهيقولوا كلوا القطط والكلاب دول حلوين زودتوها شوية بصراحة، عيب ميصحش.