تحدث أمير مرتضى منصور نجل رئيس نادي الزمالك، والمسئول عن فريق الكرة بالفارس الأبيض عن كافة الأمور الخاصة بالفريق.
وقال أمير مرتضى عقب وصوله لمقر النادي بالأمس، واستلام مجلس الإدارة برئاسة المستشار مرتضى منصور، أمور النادي بعد قرار عودته من جديد.
تصريحات أمير مرتضى
وصرح المشرف العام على فريق الكرة :”دوري هو حماية اللاعبين والجهاز الفني للزمالك”.
“محدش استلم مني ملفات نادي الزمالك وقت مامشينا”.
“قضايا الفيفا هستلمها عشان اشتغل عليها”.
“انا مش هعادي حد وجاي اعمل الصح للنادي”.
“مينفعش القيد يبقى موقوف للزمالك ولازم نحل الموضوع دا”.
“الملفات الحالية صعبة جدًا أصعب من الولاية الأولى”.
“مش بفتح صدري ولكن هعمل المناسب للنادي واللاعبين لازم يكونوا حابين انهم يقعدوا في النادي”.
“99% من اللاعيبه الموجودة أنا اللي جايبها الزمالك وكلهم أخواتي”.
“احتويت حسام أشرف وكان واخد جنب وهو بيسلم عليا ولكن معنديش مشكلة مع أي لاعب”.
“الأكل والشرب والنوم بتاع كارتيرون كانوا عليا وانا اللي اتعاقدت معاه”.
“بوعد الجماهير إن الفترة الجاية لفريق الزمالك هتبقى مختلفة وهنرجع أسرة واحدة زي الأول”.
تصريحات مرتضى منصور
صرح مرتضى: “الإعلاميين فرحوا بعد قرار إقالة المجلس، ولم يهتموا بقرار عودتنا مرة ثانية”.
وأضاف: “عمرو أديب، أحمد موسى، أحمد شوبير، سيف زاهر وأحمد حسام ميدو، فرحوا عندما رحلت ولم يهتموا بعودتي”.
وقال مرتضى: “تم رفع 230 دعوى ضدي، أثناء توليتي لرئاسة نادي الزمالك قبل إقالتي”.
وأوضح: “والحمدلله كسبت جميع القضايا التي تم رفعها”.
وختم: “لا يوجد مشكلة بيني وبين الدولة المصرية”.