كشف الفنان أمير صلاح الدين، رأي الهضيبة عمرو دياب، في تمثيله، عبر حسابهالرسمي بموقع التواصل الاجتماعي “إنستجرام”.
ونشر امير صورته برفقة عمرو دياب، أثناء أحد التجمعات الخاصة بين الفنانين، وعلق: “وحط إيده على كتفي و قال : أنا باحب تمثيلك أوي … الهضبة #عمرو_دياب، يا ترى يا هلترى الساحرة المستديرة مخبيالنا إيه ؟”.
View this post on Instagram
أمير صلاح الدين : «أنا إتنصب عليا السنة دي .. آخذ حقي من مين»
و قد كتب أمير صلاح الدين في هذا البيان ، #بيان_صحفي و الأرزاق على الله..
– مسلسل رقم ١ .. مضيت العقد بنصف أجري .. و ماخدتش دفعة تعاقد .. ! ذاكرت كل الحلقات اللي معايا ، و بعد ٣ شهور .. دوري كله إتشال – لأسباب واهية .. تدين المؤلف و المخرج و المنتج الفني ،، و طبعاً البطل .
– مسلسل رقم ٢ – إعتذرت عنه ٣ مرات متتالية بسبب ضعف المقابل المادي ، عدم إكتمال السيناريو و لا ملامح الشخصية ، وافقت بعد وساطات من بعض الأصدقاء – برضه بنص أجري – صورت في ظروف قاسية ( نهار و ليل خارجي – صيف – شتاء – بلبس فرعوني شبه عاري ) ، و لكن مش مهم هذه هي متاعب المهنة . قبل عرض المسلسل باسبوعين ، تم إيقافه و وقف مستحقات العاملين بقرار من فوق – مش عارف يعني إيه من فوق –
و أكمل في نقاط متتالية : مسلسل رقم ٣ ( شركة انتاج تانية )- كلمني المخرج الشاب على شخصية صغيرة – وافقت -إستغرب المخرج اني وافقت رغم صغر حجم الدور .. و بعد تقريباً شهر ، جابوا واحد تاني .. بدون علمي .. و لا المخرج الشاب المتحمس و لا المنتج الفني الكبير إعتذر ..!
– مسلسل رقم ٤ .. بعد فترة إنقطاع رجعت أشتغل تاني مع مخرجي و ممثلي المفضلين .. لكن شرط غريب جداً .. لأن المسلسل بقى ١٥ حلقة مش ٣٠ ، فأنا برضه هاخد نص أجري لأنه عدد أيام تصوير أقل ، و اللي حصل غير كده خالص .. عدد الايام زي ايام ال ٣٠ حلقة ، و أكتر ..
* ملحوظة : مش مسموح للممثلين الإحتفاظ بنسخة من العقد . و ده مخالف لأعراف المهنة .
* الخلاصة : أنا إتنصب عليا السنة دي .. آخذ حقي من مين .؟!!!
= الناس خايفة تتكلم بس أنا مش هاسكت .. المنظومة فاسدة و لازم تنضف و بسرعة .. أخركم معايا رمضان ٢٠٢١