كشف الفنان أكرم حسني انه ليس مغني، وجاء ذلك من أثناء حواره حواره مع الإعلامية إسعاد يونس، ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً.
أكرم حسني عن الغناء
وصرح قائلاً: “انا صوتي مش حلو ومش مغني بس بكتب كلمات ببقى شايف ان محدش هيعرف يأديها غيري لان انا اللي حاسسها والغنى محتاج طبقات كده مش بتاعتي بس بحب اغني الكلمات اللي بكتبها”.
أكرم حسني يكشف كواليس أغنية “لو كنت”
وكشف كواليس أغنية “لو كنت” مع الفنانة هيفاء وهبي، كما عبر عن سعادته بالمشاركة معها في عمل واحد، وصرح قائلاً: “كنت بفكر مع نفسي اللي هو لو كنت ارنب ولو كنت مجلة وكده واول جملة كتبتها لو كنت كتاب كنت هبقى كتاب عن الجمال ومحدش جيه في بالي غير هيفاء وهبة”.
وتابع قائلاً: “واتفاحئت انها وفقت بسرعة وردت انا كلمت توني الاول قولتله وهو مكنش متوقع انها هترد بالسرعة ديه برضه، وبعد كدة لما روجنا للأغنية الناس مكنتش فاهمة ده فيلم ولا مسلسل ولا ايه”.
وأضاف قائلاً: “وفي الاول احنا عملنا كمبين كده نزل وكتبت على صفحتها لو كنت شكل هندسي هميل للانحراف، بعد كدة أحمد فهمي دخل معانا في التريند ولاقيت ده بيكلمني وده بينزل زينا، والموضوع بقى تريند، وصاحبت الفكرة عبير الجارحي احب اشكرها من خلال البرنامج على فكرتها وهي اللي قالت نخلي اسم الاغنية “لو كنت” هتبقى مشوقة اكتر وفعلا كان معاها حق”.