أزمة حلا شيحة/ علق نقيب المهن التمثيلية عن الأزمة الذي يمر بيها فيلم “مش أنا”، وكشف تفاصيل حديثه مع الشيخ الشعراوي عن الفن وهل الفن حلال أم حرام.
أشرف زكي عن أزمة حلا شيحة
وجاء ذلك خلال مداخلة هاتفيه مع الإعلامي عمرو أديب ببرنامج “الحكاية” الذي يعرض عير قناة “ام بي سي مصر” الفضائية قائلاً: “انا مرة سألت الشيخ الشعراوي رحمه الله قولتله يا فضلت الشيخ هو الفن حرام قالي اه حرام وفاكر كويس جدا كنت معاه انا والفنان حسن يوسف رد عليا وقالي ” بسم اللهوالرحمن الرحيم: “كذلك يضرب الله الحق والباطل فأما الزبد فيذهب جفاءً وأمّا ما ينفع الناس فيمكث في الأرض)” .
وقرر أن يشاهد الفيلم، وأكد انه سوف يكون فخور بـ تامر حسني، وبالفيلم قائلاً: “انا هدخل الفيلم وهتفرج عليه وهبقى فخور بالفيلم، وبلدنا اصلا بقيت تعمل اعمال فنية تتكلم عن الحروب زي مسلسل الاختيار، والقيادة السياسية قامت بدعوة فنانين في حفل حياة كريمة وحضر نماذج من الفناينن كتير زي كريم عبدالعزير، وشيرين، وهالة صدقي، واسعاد يونس وغيرهم، وده اعتراف القيادة السياسية بالفن”.
تعليق عمر أديب على أزمة حلا شيحة
ومن جانب أخر علق الإعلامي عمرو أديب على أزمة فيلم مش أنا التي شغلت السوشيال ميديا خلال الأيام الماضية، وذلك بسبب فيلم “مش أنا”.
وقال: “الوضع اللي عملته حلا وفجأة قررت انها تصف الوسط الفني بالحرمنية، وان اللي بيحصل ده حرام، وحلا عندها مواقف ساعات تتحجب وساعات تقلع الحجاب وساعات تحب وساعات تكره وهي حرة في قررتها ، ولكن لا يجب انها تقرر للناس يعملوا ايه وميعملوش ايه وده الكلام اللي ناس كلها بتقولوا”.
وعبر عن رأيه الشخصي حول هذة الأزمة قائلاً: “بس انا ليا رأي حاسس ان اللي بيحصل ده مش صدفة يعني حطوا الحاجات مع بعض كده موضوع حلا، والموضوع اللي حصل على حوار البوركيني، والبيكيني، وشوية جدل عن الحجاب واللي بيحصل حسسني اننا رجعنا لايام زمان”.
وأضاف قائلاً: “الحوارات ديه كلها شوفناها قبل كده، هل دي كلها صدف واللي بيحصل ده كله مش عادي، وهي موجة طالعة كده، ومن رايي اللي عايز يلبس يلبس واللي يتحجب يتحجب واللي عايز يلبس مايو يلبس ومحدش يحاسب حد ربنا هو اللي بيحاسب”.