ياسمين عبدالعزيز/ كشف نقيب المهن التمثيلية الدكتور أشرف زكي تفاصيل عن حالة الفنانة ياسمين، التي تعرضت إلى وعكة صحية شديدة، وجعلتها تدخل العناية المركزة، بعد خروجها من غرفة العمليات.
أشرف زكي يروي تفاصيل عن حالة ياسمين عبدالعزيز الصحية
وصرح أشرف زكي خلال مداخلة هاتفية مع الاعلامية لميس الحديدي، ببرنامج كلمة اخيرة المذاع عبر قناة اون الفضائية قائلاً : “للاسف مفيش معلومات جديدة وبنحترم رغبة اسرتها ان هما قالوا انهم بس اللي هيصرحوا باخبارها وتطورات الحالة الصحية لها واحنا في انتظار نعرف الحقيقة ونعرف ايه اللي حصل”.
واضاف قائلاً: “احنا كلنا بندعيلها بقالنا يومين، وزي مانتي شايفة الدنيا كلها بتدعي لها ونتمنالها الشفاء العاجل ومحدش هيقدر يتكلم في حاجة وهما هيطمنونا وهيعلنوا عن حالتها الصحية والحمدلله واكيد اللي حصل ده كان مفاجأة وربنا معاهم”.
وأكد انه حاول التواصل مع احمد العوضي ولكن لم يستطيع التواصل معه قائلاً: “العوضي مكنش بيرد وتليفونه كان مقفول بس كان الله في عونه انا مقدر اللي هو في وربنا معاه ويقومها بالسلامة لانها غالية علينا كلنا”.
أشرف زكي عن أزمة ياسمين عبدالعزيز: “هنقاضي الطبيب لو خطأ طبي”
وأوضح وجهة نظره بخصوص ان الحالة التي وصلت لها ياسمين سببها خطأ طبي قائلاً: “مش عايز اسبق الاحداث ولو هو خطأ طبي واسرتها طالبت بالقضاء احنا معاهم والنقابة مع الفنان في اي حاجة وانا اقسملك بالله مش عارفة حاجة خالص عن الحالة، بس بنسمع حاجات يمين وشمال، والاسرة لو محتاجة اي حاجة احنا تحت امرهم”.