أحتفل صديقات “أسماء مصطفى حبيب” المذيعة بقنات إكسترا نيوز، بعيد ميلادها بطريقة مختلفة، بعدما قررا شراء جهاز حقن كيماوي، وتم إيداعة بمستشفى الأطفال للسرطان.
الأمر الذي أثار بهجة المذيعة، التي دونت عبر صفحتها الخاصة بالسوشيال ميديا ” فيس بوك”، منشورا يعبر عن مدى سعادتها بتلك الهدية، وإحتفال صديقتها لها.
جاء فيها:
النهاردة بجد جاتلى اغلى هدية ممكن انسان فى مرضه او شدة محتاجها اصحابى الستات الجدعان واحلى ماميز فى الدنيا فكروا يجيبولي ايه هدية وعملوا احلى حاجة فى الدنيا ممكن اكون انا وغيرى محتاجينها ولا تقدر حقيقى من وجهة نظرى بثمن
بدل ما كل واحدة تروح تجيبلى هدية او ورد شيكولاتة الى هى الهدايا لما بتروح تزور حد وطبعا كتر خيرهم
انما جمعوا بعض ولما الفلوس وراحوا اشتروا جهاز حقن كيماوى وحطوه باسمى فى مستشفى ٥٧
انا عارفة انهم مش منتظرين شكر منى ولا البوست ده حتى بس انا حبيت انشر فكرتهم الحلوة الى كلها انسانية وثواب كبير ربنا يجازيكم بالمثل واكثر ربنا يخليكم ليه يا رب
اللهم لك الحمد كما ينبغى لجلال وجهك وعظيم سلطانك ربنا فى محنتى اه رزقنى انا اعانى من السرطان واشوف قسوة التجربة لكن كمان رزقنى بنعمة كبيرة بكم من البشر كلهم نقاء دعوات كانت بتوصلني من كل مكان طول الوقت وفى اطهر بقاع الارض فى الحرم وفى صلوات فى الجوامع والكنائس
وختم للقران واطعام وافطار صايم
يا رب لك الحمد على رزقك ونعمك شكرا ليكم مهما ما شكرتكم مش هقدر اوفيكم حقكم ربنا يحفظكم ويجعله فى ميزان حسناتكم يا ريت بجد الى يقدر يعمل زيهم ده بيفرق فعلا وربنا يتقبل ويشفى كل مريض