كتبت/ سارة إبراهيم
دعت الإعلامية أسما شريف منير، ابنة الفنان شريف منير، كل رجال مصر الشرفاء، لحماية النساء والدفاع عنهم ضد أي معتدي عليهن، مؤكدة أن هذا بمثابة “توكيل عام” منها للرجال.
كتبت أسما، على حسابها بموقع “الفيس بوك”: “طلب وتوكيل عام لكل رجالة مصر، أنت حمايتي، خليكوا ضهرنا ابقوا سندنا، دافعوا عننا، جيبوا لنا حقنا، شرفنا هو عرضكم، إحنا كلنا أهل ربنا وصاكم علينا، متأذنيش، احميني”.
وتابعت: “طول عمرنا كمصريين معروف إن رجالتنا دمها حامي وولاد أصول وجدعان، خلي العالم يعرف إن دينا هو السلام هو التسامح وإن الرجالة المصرية مفيش أقوى منها في الأخلاق والنخوة والتدين”.
وأضافت: “متبقاش مسلم في البطاقة خليك مسلم في افعالك، متخليناش نخاف منكم خليكوا رجالة نحترمها ونتسند عليها، أنتوا دلوقتي إخواتي وضهري وقوتي، وبطلب منكم إنكم تدافعوا عن أي ست وعني”.
واختتمت كلامها، بقولها: “أي حد يتعرض لي بأي كلمة أو فعل مش مسموح بيه في ديننا أو أنت مترضاهوش علي أختك أو أمك.. ادينا وعد قدام الناس وربنا وقول قبلت التوكيل”.