حرصت الإعلامية أسماء مصطفى على طمأنة جمهورها ومحبيها عن أخر مستجدات حالتها الصحية عقب خضوعها لعملية جراحية خطيرة إثر إصابتها بالسرطان، وجاء ذلك عبر حسابها الرسمي بموقع التواصل الاجتماعي “فيسبوك”.
وقالت أسماء: “من باب الفضفضة لأن الصفحة بالنسبة لي هى المتنفس الوحيد اللى كتير بعبر فيه عن اللى جوايا لما بكتب بوست وألاقى دعوات كتير الحمد لله بفرح قوى لأن محدش عارف مننا دعوة مين مستجابة أسرع أو مين أقرب كلنا بنحاول نجتهد وربنا المعين الشافى مش بيكون هدفى من البوست نفسى وبس لا بقول يمكن كلامى يفيد غيرى أو على الأقل يصبر حد على ابتلاءه لما يشوف ابتلاء شخص اخر”.
أسماء مصطفى بعد إصابتها بـ السرطان: طول ما فى نفس هكمل الحياة
وأردفت”الحاجة الثانية إن الصفحة وده من فضل ربنا عليها آلاف الناس معرفش فيهم إلا عدد قليل جدا لكن بينا تواصل ومحبة وثقة مش مجاملات بين أصدقاء أو معارف “.
واختتمت: “وأخيرا اوعدكم قريب جدا جدا اول ما أبدا مرحلة العلاج الجاية انى هرجع أطلع لايف وأحاول افيد غيرى ما هو طول ما فى نفس هنكمل الحياة وانا بعمل اللى ربنا أمرنى بيه بدعى وباخد بالأسباب واتوكل على الله، واول حاجة واهم حاجة لينا جميعا هى الرضا بقضاء الله اى ما كان ولانه لا راد لقضاء الله الا بقدر الله وشكرا ليكم انكم مستحملنى ولسه بتدونى امل انى على الاقل طول الفترة الى عدت من حياتى كنت صح وكسبت حب ومحبة الناس الحمد لله”.
الإعلامية أسماء مصطفى توجه رسالة لزوجها و والدتها و أسرتها وزملاءها
بعثت الإعلامية أسماء مصطفى رسالة مؤثرة لزوجها وأسرتها وزملاءها في الحقل الإعلامي ، مؤكدة على حبها لهم ولجميع من يساندها في مرضها.
وقالت أسماء: ” مفيش انسان في أزمة مهما كانت قوته يقدر يعديها لوحده، ووسط اللي انا فيه دلوقتي ممتنة جدا لجوزي الى مفيش كلام يوفيه حقه مهما قولت او كتبت وأمي الغالية ربنا يصبرها على ابتلاءها واخواتي وولادي وصحابي القريبين على كل اللي بيعملوه عشاني، وساعات كتير ضميري بيأنبني اني قلبت لهم حياتهم رأسا على عقب”.
وأضافت: “ياريت كان بايدي أمر بالازمة من غير ما يحسوا بس دي ارادة ربنا اللي أكيد عارف الخير فين وشايل لي دايما الأحسن
المقدمة دي ينفع أكتبها كل يوم بس مناسبتها انهاردة ان في زملاء كتير يستحقوا الشكر، زمايلي في اكسترا نيوز اللي كل شوية يبعتوا يقولوا لي مستنيك ومكانك محفوظ فريق هذا الصباح الغاليين وزمايلي المذيعات اللي شايلين أيامي لحد ما أرجع”.
وحرصت أسماء مصطفى على توجيه الشكر لكل من دعمها خلال رحلة مرضها: “شكرا لادارة المتحدة اللي متابعاني لاكتر من 8 شهور من ساعة ما تعبت، والادارة المحترمة لقناة اكسترا على الاهتمام الكبير الى كل واحد فيهم محتاج بوست شكر لوحده خصوصا مع ظرف مرضى محدش لسه عارف نهايته ربنا كريم، شكرا للشخص اللي مبيتاخرش عن دعم أي زميل وبيسأل ويتابع حتى لو مظهرش في الصورة، وان شاء الله ربنا يقدرني وأرجع قريب وتنتهى سنواتى العجاف على خير املى فى ربنا كبير .. دعواتكم”.