هاجم الفنان أحمد فلوكس، المخرج هادي الباجوري، بعد تصريحاته المثيرة للجدل عن زوجته الفنانة ياسمين رئيس.
وكتب أحمد فلوكس في منشور له عبر حسابه الشخصي بموقع التواصل الاجتماعي فيسبوك: ناس مين اللي بتسيب بناتها وزوجاتها تلبس مايوه عريان مش فاهم… اتكلم عن نفسك يا ريس وعن نوعك، أنت ماعندكش مشاكل أن مراتك تتباس ده موضوعك مش موضوعنا، براحتك.. لكن ده أنت وده نوعك انت إحنا لا.
وواصل: أنت بتقول إيه.. اتقي الله، يعني واحد بيشم يبقى كل الناس شمامة واحد فاشل تبقى كل الناس فشلة، وللأسف الكلام متاخد عنوان وللأسف أنا مش فاهم يعني ولا عمل ليه ناجح حتي شريهان عودتها سواء مسرح أو إعلان مش هاتكلم ولا كأنها رجعت.. ولسه أساسا بيشتغل.. امتى المهنة دي تتعدل وتنضف بقي.. خلوها تنضف.
هادي الباجوري يثير الجدل
حل المخرج هادي الباجوري ضيفاً على برنامج “كلام الناس” ، الذي تقدمه الإعلامية ياسمين عز، ويعرض على مجموعة قنوات MBC .
وكشف خلال تواجده في الحلقة عن رده على الانتقادات التي وجهت لآخر أعماله الفنية فيلم قمر 14، بعد أن واجه العديد من الانتقادات بسبب مشهد القبلة في آخر الفيلم.
وقال هادي: انا معنديش اعتراض ان ياسمين تعمل مشاهد رومانسية وتتباس، عشان انا بعمل مشاهد رومانسية لو قولتلها لا ابقا انا منافق .
وتابع: مبسوط بنجاح مراتي ياسمين رئيس و دي مش حاجه تدايقني خالص بالعكس بتبسط لما يتقالي جوز الممثلة عشان ده نجاح ليا أنا كمان .