كتب : عمر التوني
فاجئ الفنان أحمد فلوكس، بالكشف عن تعرضه للسحر من أحد الأشخاص، الذى لم يذكر أسمهم فى منشوره الذى كتبه عبر حسابه الرسمي على موقع التواصل الإجتماعي “فيس بوك”.
فى هذا السياق، نشر”فلوكس“، صورتين له، للمقارنة بين الفترة التى تعرض فيها للسحر، وفترة النشاط الذى يعيش فيها خلال الفترة الحالية.
وقال “فلوكس” فى بداية منشوره :”الصورتين دول مابيفرقوش عيني ولا عقلي، الصوره اللي ببدله دي كانت في اسواء فتره في حياتي رغم اني كنت ناجح و شركاتي بتنجح و بتحرك و بشتغل و كنت بستغرب انا شكلي بيعجز ليه وليه عامل كده و ليه الابيض بقي كتير في دقني و ليه مش سعيد وليه مش مظبوط و و تساولات كتير رغم اني كل شويه كنت بسافر اعمل عمره لكن شكلي و حياتي و نفسيتي و تصرفاتي بتسوء لاسواء”.
الصورتين دول مابيفرقوش عيني ولا عقلي … الصوره اللي ببدله دي كانت في اسواء فتره في حياتي رغم اني كنت ناجح و شركاتي…
Posted by Ahmed Falawks on Saturday, October 31, 2020
وتابع قائلاً :”فتره غريبه جدا في كل حاجه، دي فتره اللي اكتشفت فيها حاجات كتير و حصل بعديها واقعه الامن، دي الفتره اللي السحر و الاعمال و الدمار و شرور البشر و الخيانه و الغدر و التوهان و مش شايف حاجه و كل ما هو سي بيدمروا فيا و في صحتي و في حياتي و انا مش فاهم حاجه معمي البصيره و الاحسااس عجوز من الداخل مربوط في حزن بلا سبب زغم نجاحي مش عاوز امثل مش عاوز حاجه ولا فاهم حاجه، و كل شويه مستشفي و كل شويه تعب و الدكاتره مش لاقيه سبب طبي صريح”.
وواصل “فلوكس” منشوره قائلاً :”الصوره التانيه دي بعد ما ربنا عفاني و اكرمني بالشفاء من السحر والاعمال و اذي من حولي و البصيره و الراحه : عفاني من اسواء انواع البشر و اعطاني البصيره لاري من حولي جيدا و اري قوه و عظمه ربنا في معطياتوا لينا و رحمه الله الواسعه”.
وأختتم قائلاً :”قربوا من ربنا و اعلموا جيدا ان لن يمسكم سوء و ستنور بصيرتكم …. نصيحه اختارواً الناس اللي تبقي في حياتكم كويس، و ابعدوا عن كل شخص موذي و كاريه و ماتتخدعوش بالمظاهر و الكلام و قربوا قوي من ربنا ،، يارب ابعد كل اذي عن بيتي و اهلي وابني و عبادك يا رب، واعطيني القوي لاحمي اهل بيتي و ابني الصغير من الاذي .. وادمر كل من يحاول اذيتهم .”