تحدث الفنان أحمد فتحي خلال لقائه مع الفنان امير كرارة ببرنامج “سهرانين”، الذي يتم عرضه على شاشة قناة ON، عن حياته قبل دخول الفن والصعوبات التي واجهته خلال حياته .
وقال أحمد فتحي باكياً: “في فترة تركت مصر والتمثيل ثم عدت إلى مصر مرة أخرى، ولما جه عيد الحب كنت عايز اجيب هدية لـ مراتي ومكنش معايا فلوس خالص”.
وتابع: “اشتريت كوباية صغيرة كده وكتبت عليها أبيات شعر لمراتي عليها، انا بحب الشعر جدا، الكلام اللي كتبته كان مهم بالنسبة لي، وأحيي مراتي انها استحملت معايا كتير”.
وفي سياق أخر، أشار أحمد فتحي أنه تربى في منطقة إمبابة بمحافظة الجيزة، معلقاً: “محمد هنيدي كان جاري في إمبابة”.
وأضاف: “أنا كنت بحب العب فوق السطوح مش الشارع، وصاحبة البيت طردتنا بسبب الدوشة اللي بنعملها”.
وأردف: “أنا أصلي من إمبابة ولا أخجل من التصريح بذلك، وكانت أول مرة أشتغل كان في تانية إعدادي واشتغلت في نادي الترسانة في كافيتيريا”.
أحمد فتحي: اشتغلت على عربية كبدة قبل التمثيل
واستكمل أحمد فتحي: “واشتغلت على عربية كبدة قبل التمثيل وجبت عربية كبدة واشتغلت جنب قهوة علشان أبيع وأجيب فلوس”.