أعرب الفنان أحمد زاهر عن وجهة نظره في عرض حدوتة “كدبة كبيرة” أول حكايات الجزء الثاني من “ورا كل بابا” على خمس حلقات.
وقال زاهر خلال حواره مع الإعلامي رامي رضوان:”انا مكنتش مقتنع بفكرة الخمس حلقات ومكنتش متخيل النجاح ده ، وفعلا الجمهور كان مؤيد ده وطالب بزيادة الحلقات بعد انتهاء العرض،وده كان رأي من البداية لأن الموضوع مهم ومحتاج سرد تفصيلي”.
“المخرج كان متقبل المناقشة وانا لما قريت السيناريو حبيت اضيف حاجة لان كان مكتوب ان يحيى بيحب بطة في الاخر لكن انا كان من رأي ان تكون مشاعر الحب موجودة ما بين الطرفين من الاول لكن مكنتش ظاهرة بسبب انشغال يحيى في الشهرة والنجاح، والحقيقة المخرج رحب جدا بالاضافة وقالي انت عندك حق وجسدناها بهذه الطريقة”.
أحمد زاهر يكشف سبب مشاركته في “كدبة كبيرة”: جنازة دلال عبد العزيز
كشف الفنان أحمد زاهر عن أسباب مشاركته في حكاية “كدبة كبيرة” من مسلسل وراء كل باب، وجاء ذلك خلال حواره مع الإعلامي رامي رضوان ببرنامج “مساء دي ام سي”.
وصرح قائلاً: “انا وافقت على المسلسل ده بسبب ان حصلي موقف في جنازة دلال عبد العزيز اني اتهمت اني اتعديت على صحفي وضربته وكسرتله الموبايل وده محصلش خالص”.
وروى تفاصيل ما حدث معه في جنازة الفنانة الراحلة دلال عبد العزيز قائلاً: “انا كنت ماشي وخارج برا المقابر خلاص وفجأة لاقيت واحد داخل يصور بالموبايل في بوق بنتي، وهو كان واحد عادي لابس قميص وبنطلون ومعرفش انه صحفي وانا مسكت موبايله ونزلته وحطيته في ايده التانية”.
وتابع قائلاً: “وقولتله عيب تصور حد منهار فين السبق الصحفي في كده وانا مشيت وخدت بناتي وهو قعد يشتم وبيقول احنا اللي عملناكوا وكلام كتير سيبته ومشيت احتراما لحرمة المقابر وانا كنت رايح اعمل الواجب وامشي”.
وأضاف قائلاً: “وكنت جاي من الساحل وراجع تاني صد رد عقبال ما وصلت الساحل لاقيت كمية هجوم فانا لو طلعت رديت زي يحيى هل الناس كانت هتصدقني وبعد الواقعة ديه لاقيت المسلسل جالي ولما قريت القصة قولت انا لازم اعمله دلوقتي، حتى تصل الرسال الحقيقية للجمهور الذي أصبح منساقًا تمامًا وراء السوشيال ميديا”.
موضوعات متعلقة:
أحمد زاهر: مراتي معاها باسورد تليفوني.. وأنا مبعملش حاجة غلط عشان أخاف منها