كشف الفنان أحمد بدير عن أصعب المشاهد وأصعب الكواليس في حكاية بدون ضمان من مسلسل إلا أنا، الذي تم عرضه خلال الفترة الماضية، وحقق نجاح كبير بعد عرضه.
أحمد بدير يكشف أصعب المشاهد في “بدون ضمان”
وصرح خلال حواره مع الإعلامية إنجي القاضي، ببرنامج “مساء dmc” الذي يعرض عبر قناة dmc الفضائية قائلاً: “من أصعب المشاهد المشهد اللي مريم كانت منهارة في وبتطلب من والدها انها عايزة تطلق وفي البروفو أنا عيطت”.
وتابع قائلاً: “لما بدأنا المشهد الاستاذة ياسمين لاقيتها جايالي بتجري وبتقولي امسك نفسك متعيطش غير لما مريم تخرج وفعلا هي كان معاها حق المشهد كان مأثر جدا وتصدر تريند واثبتت انها مخرجة شاطرة جدا واكنها بتخرج من الخمسينات”.
أحمد بدير عن نجاح “بدون ضمان”
كما كشف عن عن كواليس شخصيته في المسلسل قائلاً: “لما ياسمين عرضت عليا الشخصية وقالتلي انا متمسكة بيك جدا فانا فكرة قولت هو انا هعمل ايه بين الوجوه الشابة اللي موجودة ديه، ودور الاب حسيت انه بيوصل للناس حاجة كويسة جدا”.
وتابع قائلاً: “وميزة “الا انا” انه من الحياة ونجاحه انه واقعي وقصص واقعية ومن الحياة والناس حبت الموضوع ده جدا وتفاعلت معاه بقيت تشوف حاجة حاسة انها قريبة منهل وده جمال الفن انها تشوف حاجة قريبة منها”.
وأوضح سر نجاح المسلسل قائلاً: “ومع نجاح بدون ضمان قعدت استرجعت ايه السبب وليه النجاح ده لاقيت ان كل البيوت فيها المشاكل ديه وده اللي وصل العمل لقلوب الناس وسعيد جدا بالتجربة وسعيد بالمخرجة المتألقة ياسمين واتعلمت منها جدا وقولت انها هتقولي على حاجة قولت هعمل عاكسها بس لا عملتها زي ماهي واتعلمت منها كتير والفنان لازم بتعلم ديما”.