كشف الفنان أحمد العوضي عن علاقته بزوجته ياسمين عبد العزيز في العمل، حيث اشار بأنه يحب العمل مع ياسمين لأن بينهم كيميا.
وقال أحمد العوضي خلال حواره في برنامج et بالعربي: «احنا بنحب نشتغل مع بعض، أنا بحب اشتغل مع ياسمين، ياسمين بتحب تشتغل مع عوضي، الكيميا بينا حلوة، الشغل بينا مريح».
وأضاف: «أنا ببقى شايل هم ياسمين زي ما ببقى شايل همي وهي بتبقى شايلة همي برضو وبيبقى الموضوع كويس».
وتابع: «لما بشتغل مع حد تاني مش بيبقى بنفس الحميمية حتى لو هو حبيبي أو أخويا أو اختي أو زميلتي عمرها ما هتبقى بنفس الحميمية بنفس اتنين متجوزين».
وعن إمكانية مشاركتهم في فيلم سينمائي يجمعهم قال العوضي: «ممكن بس مش دلوقتي بس ياسمين عندها فيلم هتعمله بعد العيد، وأنا عندي فيلم البلدوزر مع طارق العريان ودي خطة مؤجلة».
مسلسل ضرب نار
يشارك في بطولة مسلسل ضرب نار عدد كبير من كبار الفنانين أبرزهم أحمد العوضي، وياسمين عبد العزيز ، وماجد المصري، ودنيا المصري، وبدرية طلبة، وإسراء رخا، وأحمد غزى، وإيمان السيد، والمسلسل من تأليف ناصر عبد الرحمن، وإخراج مصطفى فكري، وإنتاج شركة سينرجي.
امي ندهت عليا.. أحمد العوضي يترك لوكيشن “ضرب نار” لاستقبال سيدة طلبت التصوير معه