كشف الفنان أحمد شامي عن كواليس مشهد التحرش بـ سهر الصايغ في حكاية بيت عز ضمن حكايات مسلسل إلا انا، وكان يعرض المسلسل عبر قناة دي ام سي الفضائية.
أحمد الشامي عن مشهد التحرش بـ سهر الصايغ في حكاية بيت عز
وصرح خلال حواره مع الاعلامي رامي رضوان ببرنامج مساء دي ام سي قائلاً :” تنا اول لما قريت المسلسل ديما لما يجيلك عمل انت بتبقى متشوق تشوف دورك ايه فقريته كده بسرعة وبقيت اقلب في الصفح ومضيت على المسلسل خلاص”.
وتابع قائلاً: ” لما جيت اذاكر بالتفصيل ببص على اليمين لاقيت في مفاجأة اقلام وشلاليت قولت يانهار اسود، في الاول استاذ رشدي الشامي ممثل عظيم جدا وهو كان متوتر جدا ومش عايز يضرب القلم ده وكان على طول يقول للاستاذ احمد مش عايز اضربه”، ليرد أحمد قائلاً: “انا قولتله اضربه بجد”.
أحمد الشامي يعبر عن شعوره بعد مشهد القلم
وكشف الشامي عن شعوره بعد ان قام الفنان رشدي الشامي بضربه بالقلم قائلاً: “وانا بصراحة اول مرة اضرب بالقلم والموضوع كان بالنسبالي لا يا استاذ رشدي اضربني عادي ولا يهمك وفجأة لاقيت الاستاذ رشدي اتحول واكلني قلم، واتصدمت وبعدها خرجت ولفيت كده واقسم بالله كنت هدمع ومكنتش قادر اللي هو ايه ده حسيت باهانة غير طبيعية في اللوكيشن وكان في ناس كتير”.
وأضاف قائلاً: ” بعد المشهد لاقيت استاذ رشدي بعتلي فاكهة وحاجات كتير على الكرفان وكان بيصلحني وده كان بعد.القلم الاول واللي هو يا استاذ رشدي تعالى اضربني كل يوم بقى”.