كشف الفنان أحمد السقا كواليس فيلم شورت وفنلة وكاب، وروى تفاصيل تعرضه لـ هجوم من قرش، أثناء التصوير، وكان يعتقدوا انه دولفين، وكيف هرب السقا من القرش.
أحمد السقا يتعرض لـ هجوم من قرش في تصوير “شورت وفنلة وكاب”
وذكر خلال حواره مع الإعلامية لميس الحديدي ببرنامج كلمة أخيرة قائلاً: “فيلم شورت وفنلة وكاب كان ليه قصة، لأن وقت ما العدل جروب حبه يعملوا الفيلم انا وقتها مكنش ليا سعر ولا اسمي لسه لمع، ودكتور محمد العدل وسامي وجمال العدل اخد الحمل على عاتقه”.
وأضاف أحمد السقا قائلاً: “وقال هنعمل الفيلم ووقتها مكنش فيه بطلة راضية تقف قدامي لحد ما قالوا هنجيب نور، وهي جات عملت الاختبار ونجحت بجدارة وعملنا الفيلم وبفضل الله تعالى عمل نجاح رهيب وبعدها بتلات ايام فضلت ساكت من كتر الخضة الي كنت فيها وبفكر هعمل ايه بعد كده لاني مكنتش متخيل النجاح ده، والفيلم كان سبب سعدي”.
وتابع قائلاً: “في مشهد في فيلم شورت وفنلة وكاب، كنا بنصوره في عرض البحر والمفروض هننزل تحت المياه وهنصور هنا ووقتها المخرج قالي سقا في دلافين يلا نط دلوقتي هناخد المشهد وانا بقى طلعت الاكشن الي جوايا، وبعدين لما نزلت طلع قرش مش دولفين، وقالولي وقتها خليك ثابت مكانك عشان لو اتحركت هياخد باله منك وهيجهم عليك، فطبعا فضلت لحد مامشي واتحركنا على مكان تاني عشان نصور فيه”.