حالة من الحزن والآسى والأوقات العصيبة التي يملؤها الخوف والقلق سيطرت على إحدى أسر قرية “ميت عنتر” التابعة لمركز طلخا بمحافظة الدقهلية منذ الأربعاء الماضي، بعد اختفاء المهندس “أحمد عاطف” معيدًا بكلية الهندسة جامعة المنصورة قبل يوم واحد من ولادة طفله الثاني.
وكان قد خرج من المنزل الأربعاء الماضي لسحب المال استعدادًا لعملية الولادة ومجئ طفله الثاني، ومنذ ذلك الوقت تغيب “أحمد” ولم يعد إلى منزله ثانية.
وضعت الزوجة مولودهما الثاني لتستيقظ في غياب زوجها الذي لم يعد حتى الآن، لتنشر على صفحتها الخاصة بموقع التواصل الإجتماعي “فيسبوك” منشورًا بكلمات مؤثرة تملؤها الحزن والخوف وقلة الحيلة قائلة: “احمد انت فين يا حبيبي انا ولدت وانت مش معايا ومكنتش عايزة اولد اصلا الا ما ترجع بس قالوا غلط عالبيبي
سليم قمر بس عايز يشوفك ونفسي اشوفك وانت شايله
كالعاده تعبانه من الولاده وكان نفسي تهون عليا وتمشيني وتطمن عليا كل شويه كان نفسي انت اللي تسجل سليم وتطعمه زي كنان لكن متعوضه يا حبيبي ارجع بس ومش عايزين اي حاجه الا وجودك وسطنا”
ارجع عشان سليم ميرضعش نكد وهم وحزن من كتر عياطي وهمي ي احمد
واستكملت حديثها: “الكل كان معايا بس غيابك انت خلاني محسش باي أمان
مش كنا متفقين توصلني لحد العمليات انت وكنان انا وصلت العمليات لوحدي وانا منهاره
ارجعلي ي احمد عشان لو حصلك حاجه هموت وراك وولادك هيتعبوا من بعدنا ارجعلي وف داهيه اي حاجه فداك ي حبيبي مهما كان تمنها ارجع لولادك اللي ملحقوش يشبعوا منك ي قلبي
يااااااارب يارب رجعلي جوزي سالم غانم واحميه من اي شر يارب ما تحرمني منه ولا تحرم ولاده منه يارب”
ولم تتوقف “دعاء عبدالعزيز” عن كتابة منشوراتها على صفحتها الخاصة بموقع التواصل الإجتماعي “فيسبوك”، ولم تتوقف عن مناشدة الأهالي والشرطة في البحث عن زوجها وإعادته لها ولأطفاله، فأحدهم لم يأذن له القدر برؤية والده والآخر متعلق به لصغر سنه.
وقالت دعاء في منشور آخر: “لو مش عشان هو انسان محترم خدوم للناس ولبلده يبقي ترجعوة عشان ولاده اللي اتولد ومشافوش واللي متعلق بيه وعشان وأهله اللي عايشين ايام كلها هم انا مبقتش عارفه الليل من النهار انا بعيش اسوء فتره نفاس مرت ع حد
اسألوا ع احمد هتلاقوة مؤدب عمره ما أذي حد بالعكس نفسه يساعد كل الناس عمره ما اتاخر عن عمل خير عمره ما فسد بين الناس وطول عمره ماشي في عمل الخير لوحده
رجعوة ولو ليها مقابل ندفعه مهما كان والله لو هنشحت بس جوزي يرجع لولاده”