كشف الفنان أحمد آدم عن الاسباب التي منعته عن حضور جنازة الفنان الراحل سمير غانم والفنانة دلال عبد العزيز، وأشار انه لا يصدق حتى الآن انهم توفوا.
أحمد آدم عن عدم حضوره جنازة دلال عبد العزيز وسمير غانم
وصرح خلال لقائه مع الاعلامي خيري رمضان والاعلامية كريمة عوض ببرنامج “حديث القاهرة” الذي يعرض عبر قناة القاهرة والناس قائلاً: “أنا زعلان جدا ان انا معرفتش أحضر جنازة سمير غانم ودلال عبد العزيز الله يرحمهم. الموضوع أثر فيا وتعبني، ولغاية دلوقتي أنا مش مصدق إنهم توفوا، لإني حاسس ان انا معزتش، ومعرفتش أعمل ايه ساعتها”.
وأوضح قائلاً: “حسيت كإني مقصر، بس مكانش تقصير مني، كانت ظروف خارجة عن إرادتي، بس كان لازم أهزمها وأروح، فالموضوع ده مأنبلي ضميري أوي”.
لهذا السبب.. أحمد آدم يبكي على الهواء
ورى اصعب المواقف التي مرت عليه في حياته قبل الزواج قائلاً: “وأنا خاطب مراتي، كنا لسه على باب الله، وبعدين جتلي في لحظة حسيت إن مش هينفع، الظروف متنيلة خالص، وبقت المسألة يا أسافر يا مش هينفع”.
وتابع قائلاً: “ماشيين مرة في سان ستيفانو وإحنا ساكنين في محرم بك، واخدينها مشي ومعيش غير شلن في جيبي وسجارتين، كل ده أنا عايز أمهد لها إننا مش هننفع لبعض، وانتي بنت ناس ومش عايز أبهدلك، وهي بتقولي يعني انت كارهني مش عايزني ولّا الموضوع خاص باللي إنت بتقوله، رحت معيط”.
وأضاف قائلاً: “فجأة ببص في الأرض لقيت سجارة في علبة سجاير، وفي ربع جنيه في جنيه، و الشارع ده الإسكندرانية كلهم عارفينه مبيمشيش فيه بني آدم، قعدت أبص يمين شمال عايز ألاقي حد ماشي يكون وقعت منه الحاجة دي، وهي تقولي مش قولتلك، ودي سجاير، فما بالك ربنا هيعمل فينا إيه وإحنا بنتجوز”.