حلت الفنانة ريهام حجاج، ضيفة ببرنامج سهرة خاصة مع الإعلامية بوسي شلبي عبر قناة النهار، وروت كيف بدأت قصة حبها هي وزوجها، رجل الأعمال محمد حلاوة زوج الفنانة ياسمين عبدالعزيز السابق، وارتباطهما أثار جدالاً واسعاً، وانتشرت الأقاويل أنها خطفته من ياسمين عبدالعزيز.
أبرز تصريحات ريهام حجاج مع بوسي شلبي
وصرحت ريهام قائلة: “حصل جدل بسبب أن محمد ارتبط بشخصيتين مشهورتين، وهو شخص ناجح زمعروف، وانا وهو اتجوزنا بعد طلاقه بـ سنة، والطلاق ده مكنش معلن، والطرف التاني طلع قال تفاصيل الزواج في برامج أخرى.. كل واحد حر حتى لو الطرف التاني ما أعلنش طلاقه ودي حياة شخصية مش معنى أن اتنين اتطلقوا يبقى حد فيهم وحش أو كان في مشكلة”.
وتابعت قائلة: “عادي جدًا ان اتنين ينفصلوا لأسباب خاصة بينهم، الناس مش المفروض نحكم أو نتكلم في حاجة شخصية زي دي، إحنا بنعاني من ده عشان إحنا مشاهير”.
ووجهت رسالة إلى الجمهور قائلة: “الجمهور المحترم مابيتدخلش في الحياة الخاصة للفنانين الناس اللي بتنتقد وبتكتب على السوشيال ميديا ده مش الجمهور، بقى عندنا اختلاط في الجمهور بين رأيي والتطفل لما حد بيبدي برأيه في حاجة لا تعنيه، الحقيقة مافيش أي حرب وكل الأطراف اتجوزت ومحدش شايف الحرب دي غير جمهور السوشيال ميديا، محبتش أطلع أرد وقتها لأن هي مش حاجة غلط أو حاجة مخلة بالآداب”.
وختمت حديثها عن رأيها في انتقادات وتدخل الجمهور في حياة الفنانين الخاصة، وأنها دائماً تتجاهل جميع الانتقادات التي تتوجه إليها عبر السوشيال ميديا قائلة: “مبعرفش أطلع في برنامج مخصوص أقول تفاصيل حياتي الشخصية بتكلم عن أعمالي فقط”.
اقرأ أيضاً..