حلت الفنانة رانيا يوسف ضيفة ببرنامج العرافة، من تقديم الإعلامية بسمة وهبة، ويعرض على فضائية المحور، و تحدتث عن العديد من أسرار حياتها الشخصية والفنية.
رانيا يوسف ونادية الجندي
كما تحدتث عن العداء الذي جمعها مع الفنانة نادية الجندي، و قالت أن الفنانة نادية الجندي، كانت السبب في إنهاء العلاقة بينها و بين زوجها السابق المنتج محمد مختار، معلقة: «كانت بتقومته عليا و على بناتي».
و نستعرض لكم في هذا التقرير أبرز تصريحات الفنانة رانيا يوسف ببرنامج العرافة.
ـ ماضية على تعهد متكلمش عن مشاكلي مع طليقي محمد مختار عشان خاطر بناتي.
ـ في زماليلي فشلوا في 7 تجارب أنا لسه معملتش الرقم القياسي بتاعهم
ـ وقفت عداد الجواز بعد جوازتي الثالثة.. وفي زماليلي فشلوا في 7 جوازات، لكن أنا لسة معملتش الرقم القياسي بتاعهم.
اتجوزت تحت ضغط المجتمع والدين
ـ أتجوزت تحت ضغط المجتمع والدين.
ـ كنت بعمل حساب للمجتمع دلوقتي لأ.. لما وقعت في مشاكل محدش وقف جمبي.
ـ أنا ست مش سهلة ومش معنى أني طيبة ومش بأذي حد أني هبلة وبتضرب على قفايا.
ـ عرفت مين حطلي حشيش في العربية بس معرفتش أثبت.
ـ كان بيجيلي عرسان وأنا متجوزة، ومش شايفة أنها إهانة لزوجي، هو مبيجيش يقولي بشكل مباشر، لكن واحدة صاحبتي أو قريبتي هي اللي بتقولي.
ـ بعد ربع ساعة أقدر أتجوز أغنى رجل في الوطن العربي.. لكن أنا مش بتاعة فلوس.
ـ في الوقت الحالي قررت أني مش هتجوز خالص.
ـ في رجالة نكديين كتير ومبيحبوش الفرفشة.. والمشكلة أن دول اللي بنقيهم وبختار غلط.
ـ ورقة الجواز بتتكتب زي ما يكون في عمل اتعمل.