واصلت الإعلامية ياسمين عز تقديم نصائحها للفتيات والسيدات خاصة في فترات الخطوبة والتي تطول مدتها.
وقالت ياسمين عز: “في فترة الخطوبة حاولي اكسبي حماتك.. يابخت اللي حماتها راضية عنها، حبي حماتك عشان تعيشي عيشة هنية”.
وأضافت خلال تقديم برنامجها “كلام الناس” عبر فضائية “إم بي سي مصر”: “فترة الخطوبة عندنا في مصر تبدأ من 2018 وتنتهي عام 2022.. ده كأس عالم مش خطوبة.. وكل ده بسبب إن الفتاة بتخترع المشاكل مع فرعونها حبيبها”.
تابعت عز: “في بلاد بره الناس بيتخطبوا يوم الخميس ويتجوزوا الجمعة، لكن عندنا في مصر البنت تتخطب وتعمل مشاكل كتير مع فرعونها حبيبها وبسبب المشاكل دي فترة الخطوبة بتكون طويلة”.
ياسمين عز تطالب بالصدقة
الإعلامية المثيرة للجدل طالبت المشاهدين بالإكثار من الصدقة : “على قد ما تقدروا تصدقوا وارسموا البسمة على قلب الشخص.. أي حد يقدر يساعد ولو بحاجة بسيطة يساعد، وخاصة الناس بتوع الدليفري”.
وأضافت : “في فئة لازم نهتم بيهم ونساعدهم برضو.. بواب عمارتك أو أمن الكومبوند، في 600 ألف عامل أمن وبواب محتاجين المساعدة، في الأيام الصعبة دي لازم كلنا نهتم بالصدقة.. المليان يصب على الفاضي”.
