تصدر اسم الفنانة وفاء عامر عبر مؤشرات البحث، لتتصرد التريند، بسبب استنكارها من الفنانات والنجوم التائبات ومعتزلات مهنة الفن والتمثيل، وذلك لأنها تري أن الفنانين يقدمون قيمة للمجتمع.
وأضافت وفاء عامر خلال حديثها عبر برنامج التاسعة المذاع عبر القناة الأولى بـ التليفزيون المصري: «اللي بيتوبوا ويعتزلوا عملوا إيه علشان يتوبوا منه.. إحنا بنقدم قيمة للمجتمع.. إحنا في كل صلاة بنقول اللهم اغفر لنا وتب علينا وارحمنا».
وتابعت: «أنا كنت بحضر دروس دينية كتير جدًا والحجاب الصح مش إننا نلبس طرحة بس.. الحجاب هو حجاب القلب واللسان.. والدروس الدينية فادتني لكن أنا مش باخد قرارات متسرعة لأن الإيمان محله القلب ومش بعتب على اللي بيلبس طرحة أنت حر ما لم تضر».
كما أكد وفاء عامر أنها مثل أي سيدة مصرية، معلقة: «أنا ست زي أي ست مصرية.. ست بيت في الأول والأخر ما يفرقش معايا يتريقوا لما بقول رز ومكرونة، هفضل أقول كده، إحنا بنشتغل كفانين ونستنا على فلوسنا مش عندنا الملاين والمليارات زي ما بيقولوا ما تسمعوش كلام حد.. إحنا زينا زيكم وبناكل زينا زيكم وبنقتصد زينا زيكم، وياما دقت على الراس طبول وهنفضل عايشين من خير بلدنا».
وفي سياق آخر، شبهت وفاء عامر، قصة كفاحها في الفن بقصة كفاح نجم كرة القدم محمد صلاح في الكورة، مشيرة إلى أنها تعجب به بسبب إصراره، موضحة: بحب محمد صلاح جدًا، يبعجبني في محمد صلاح إصراره.. بحس أن فيا كتير أوي من قصة كفاح صلاح… هو مشي من أحد الأندية الكبيرة وقالوا ما ينفعش وأنا مشوني من مسلسل بوابة الحلواني وقالوا ليا مش هتشتغلي وروحت بشنطة هدومي بسبب المنتج الفني لأنه شاف أني مش لايقة على الدور وروحت بيتي مشي.
