تحدث والد ووالدة “محمد الشناوي” حارس مرمى النادي الاهلي، عن إحساسهم بعد فوز الاهلي امس بالبرونزية وأداء أبنهم في الفترة الماضية.
وقال والد ” الشناوي ” في تصريحات تليفزيونية: “ابني ربنا حطه في المكان ده علشان يفرح الناس”.
وأضاف: “وأنا بكيت لما الاهلي فاز.. “محمد” طول عمره مجتهد، ودعواتنا ليه بتنجيه، وبكون مبسوط لما بشوفه سعيد وبيحرز تقدم في كرة القدم”.
وأكمل: “بكينا لما تصدى لضربة الجزاء الأخيرة لفريق بالميراس البرازيلي، وقولت الحمدلله ابني سبب في فرحة جماهير الاهلي”.
وأوضح: “والبكاء تحول لفرحة كبيرة، وصفقنا كلنا وضحكنا، كلنا بنقول “محمد” هيعملها، وكنا بندعيله كلنا ووالدته سجدت لله شكراً لما الاهلي فاز”.
وفي سياق آخر قالت والدة ” الشناوي “: دعوت له بالتوفيق.. وكلمته قبل الماتش وبعده، وأول ما صد الكرة في اللحظات الأخيرة قولت الحمدلله”.
واختتمت: “دايماً بدعي وأقول يارب يجعلك سبب فرحة الناس يا ابني، وربنا يراضيك على أد نيتك الحلوة مع الناس كلها”.