وجهت إحدى المتابعات سؤالًا للفنانة هنا الزاهد، حول أي من المسلسلات التي نافست في السباق الرمضاني 2022، كانت تتمنى المشاركة ضمن فريق عملها.
لتفاجىء هنا الجمهور بالرد، من خلال خاصية استوري بحسابها الرسمي على موقع التواصل الاجتماعي “إنستجرام”، حيث قالت: “ولا واحد”.
تامر حسني و هنا الزاهد من فيلم بحبك
وكان قد شارك الفنان تامر حسني، صورة تجمعه بالفنانة هنا الزاهد، عبر حسابه الشخصي بموقع التواصل الاجتماعي، لتبادل الصور والفيديوهات القصيرة، انستجرام، وعلق قائلًا: مساء الهنا على اغلى ناس على قلبي انا دي صور من اول يومين تصوير لفيلمنا الجديد ( بحبك ).
وواصل: طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في احداث فعلاً محيره جداً.
وأردف: الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد، مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم، ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله.
واختتم تامر حسني قائلًا: للأسف لسه مصورش علشان انزل صوره بس في اول يوم تصوير له ههريه صور و انتظروا بعد ايام انضمام نجمه جميله مميزه من نجوم المستقبل” اللي هيكون ليها مستقبل كبير ان شاء الله، وفرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي.
