اشادت الفنانة ميمي جمال بمسلسلات رمضان لعام 2021، وكشفت عن اكثر المسلسلات التي اعجبتها خلال شهر رمضان.
وصرحت خلال حوارها مع الإعلامية إسعاد يونس ببرنامج صاحبة السعادة الذي يعرض يومي الاثنين والثلاثاء في تمام الساعة 11 مساء عبر قناة دي ام سي الفضائية قائلة: “انا بحب اتفرج وبحب اشوف المسلسلات العربي الجديدة واشوف احنا رايحين على فين حتى لو مش بشتغل بس بحب اتفرج”.
ميمي جمال تشيد بمسلسلات رمضان 2021
وعبرت عن إعجابها الشديد بالفنان محمد إمام وحمادة هلال وياسمين عبد العزيز قائلة: “اعجبني محمد امام في النمر
وعجبني حمادة هلال في المداح الدور كان لايق عليه وحلو اوي وياسمين عبد العزيز في اللي مالوش كبير قصته كانت حلو اوي والاختيار ده نمبر وان رمضان وانا مش بعتبره عمل فني ده تاريخ انا لما بتفرج على المسلسل وحد بيموت بحزن وبقشعر جدا”.
ميمي جمال تكشف عن روتينها اليومي بعد تركها للفن
وقالت ميمي جمال خلال حوراها مع إسعاد يونس: “المسأله فيها تعود اللي هو بتصحي عارفة ان عندك اوردر هتجهزي وكده انما لما مفيش شغل بتصحي بتحاولي بقى تنظمي يومك”.
وأضافت قائلة: “انا بحب المطبخ وبحب اطبخ وشاطرة في المطبخ جدا وبحب افطر في المطبخ واجهز الغدا اللي هعمله وبعدها بطلع اقعد شوية مع الموبايل واتفرج على التليفزيون”.
وكشفت عن أصدقائها المقربين في الوسط الفني ودائما على تواصل معهم قائلة: “شويكار ديه حبيبت قلبي وكانت اقرب واحدة ليا ربنا يرحمها، وطبعا رانيا فريد شوقي برج الجوزاء زيي ونفس تفكيري وعم صلاح عبدالله بكلمه وصفية العمري”.