نشر الفنان هاني سلامة صورة عبر حسابه على موقع التواصل الاجتماعي لتبادل الصور والفيديوهات انستجرام.
وكانت الصورة من كواليس مسلسل الداعية، ليستعيد بها هاني الذكريات، كما انه يحرص من وقت لآخر لمشاركة متابعيه كواليس اعماله السابقة.
View this post on Instagram
هاني سلامة يروي كيف بدءت قصة حبه لـ زوجته
وكشف أثناء حواره مع الإعلامية إسعاد يونش ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً، قائلاً: “كانت معايا في الجامعة وفي نفس الفرقة وعلاقتنا كانت صداقة عادية في الجامعة عادي وكنا جروب كدة مع بعض وعلاقتنا متطورتش خالص في الجامعة ومكنتش عايزة ادخل علاقة رسمية خالص وكنت ديما اقول العشرينات ديه بتاعتي في التلاتينات بقى ادخل حد في حياتي”.
وصرح هاني عن أبرز المواقف التي حدثت معه ولم يحكيها من قبل قائلاً: “بعد الجامعة كان في مقابلات ومكالمات عادي، وفي موقف حصلي مقولتهوش لحد ومحكتهوش اصلا وقليل اللي يعرفه انا كنت مضطرب عاطفيا ونفسيا وكل حاجة وكان اول مرة اصلي استخارة وصليت واتمنيت ان عايز اتجوز حد ويبعتلي حد صالح عملت الموضوع ده يوم الخميس يوم الحد او الاتنين لاقيت واحدة صاحبتنا بتكلمني وبتقولي ايه يا هاني مش ناوي تتجوز قولتلها ليه عندك عروسة قالتلي اه بيري وانا كنت شايفها انها احسن مني بكتير قولتلها بيري يابنتي مترضاش بيا اصلا وانا عارفها كويس وقولت ياريت بس هي عايزة حد تاني لان انا هطلع عينيها”.
وتابع قائلاً: “وفي نفس الاسبوع لاقيت واحد صاحبنا بيكلمني في نفس الموضوع قولتله انتو متفقين مع بعض ولا ايه وهي مترضاش بيا لانها حد كويس جدا”.
