تشهد الساحة الإعلانية في شهر رمضان زخماً كبيراً وخصوصا منتجات الأغذية وتتسابق الشركات بلفت أنظار الجمهور وجذب أكبر عدد منهم لشراء منتجاتهم، ومع دخول العيد تتسابق محلات الحلويات والمخابز لجذب الجمهور لشراء حلويات العيد ولكن هناك من يستخدم السكين لتقطيع التورتة وهناك من يستخدم السكين لذبح نفسه، وهذا ماقامت به إحدى شركات الحلويات المعروفة التى استخدمت دعاية وصفها الجمهور بأنها سيئة وجاءت بنتيجة عكسية .
أذاعت شركة حلويات شهيرة إعلانها بالاعتماد على أشخاص يتحدثون بطريقة غريبة وأفواههم مليئة بالطعام، وأثار ذلك استياء الكثير من الجمهور مما جعلهم ينفرون من المنتجات وقرارهم بعدم الاقبال عليها.
قالت ياسمين الشيمي وهي أحدى رواد مواقع التواصل الإجتماعي ( كفاية بقى مررتوا عيشتنا .. إعلان مقرف) .
ويقول أحمد محمود ” اسوأ اعلانات في رمضان السنه دي اعلان … اللي الناس بتتكلم و الاكل في بقها ده اعلان مقزز بكل معنى الكلمه .. لو قاصدين محدش يشتري المنتج مش هيخرجوا الاعلان بالشكل ده.
فيما قالت رحاب كامل ، صاحب فكرة إعلان … مؤكد كان قاعد في دِروة(زريبة) ومستمتع بصوت الحيوانات وهي بتتشتق في أكل البرسيم والتبن..شيء منتهى القرف .
وانتقدته ياسمين حسن، انا اول ما سمعت الاعلان مكنتش واخده بالى انه من شركة الحلويات الشهيرة وحسيت بإشمئذاذ لحد لما تابعت وشوفت الاعلان ووقتها اتخنقت منها بقى بعد خالد عليش واطعمة الكنافه اللى متتاكلش ولا افكر اشتريها للاشئمزاز ده .
وقالت هبه بيبو يعني انا افضل اعلم ف بنتي ماتتكلمش والاكل ف بؤها ولا تاكل وهي فاتحه بؤها وفالاخر نشوف .. دا انا ك هبه اعمل ايه.
أحمد محمد، عايز أقعد مع الشخص الكريتيف بتاع إعلان( …. )عايز أسأله ازاي قدر يبيع لهم فكرة الاعلان و هو بيشرح لهم إن الفكرة ناس هتبقى بتاكل كحك و بتتكلم في نفس الوقت فبالتالي عماله تتفتف من بوقها في مشهد تشمئز له الابدان .
اينعم الاعلان مصر كلها بتشتم فيه لدرجة انهم قفلوا الكومنتس ع يوتيوب من كتر الآراء السلبيه لكن كل ده مش مهم الفكره في انه ازاي اقنعهم يصوروه اساسا.. اكيد الشخص ده جاحد و الله في شغله انه قدر يقنعهم بالموضوع ده و هستفاد من دماغه.
اقرأ أيضا:
ما هي اجور الفنانين في الاعلانات 2021
الأعلى للإعلام يحذر من التطويل في الاعلانات بالفضائيات.. سنتدخل