خصصت الإعلامية مفيدة شيحة، مقدمة برنامج الستات، المذاع عبر قناة النهار وان، مساء اليوم السبت، فقرة عن اليوم العالمي للرجل.
وقالت مفيدة شيحة، إن في اليوم العالمي (للرجل) للكائن اللي قلبه أبيض و مراته مبهدلاه، واليوم العالمي لأشطر واحد في الكلام و بس.. المغرور الأناني.. محور الكون.. اللي كل المخلوقات وجدت لإسعاده و راحته.
وأضافت مفيدة شيحة، أن :”الجدع أوي و شهم أوي و دمه خفيف مع الستات اللي برا البيت بس أو برا البلد كلها .. ( انه الرجل المصري)، ودي محاولة لفهم صفاته المدهشة المذهلة الجميلة الكتيرة..!.
وأكملت مفيدة شيحة، أن :” الرجل مبيحبش يسمع كلمة :
كنت فين طول اليوم؟، انت كل يوم مع صحابك؟، مالك؟
عاوزة فلوس، واعمل ايه ع الغدا؟، وليه مبتحبش تقعد معانا زي مبتتبسط مع صحابك؟، ومش هتخرج معانا؟.. مبيحبش العياط و الزن و الشكوى و اللوم.. مبيحبش الطلبات و الحكايات و التفاصيل.. مبيحبش يكون له دعوة بأي حاجة.
