أعربت الفنانة نهلة سلامة، عن استيائها الشديد من الانتقادات التي توجه إلي الفنانة منى زكي، بسبب بوستر مسلسلها الجديد “تحت الوصاية” المقرر عرضه خلال سباق رمضان المقبل.
وقالت نهلة سلامة، في تصريح خاص لـ” اوان مصر”:” والله عيب اللي بيحصل هنحكم على عمل نجمة كبيرة زي منى زكي من حواجبها في بوستر مسلسلها الجديد اللي هيتعرض في رمضان، نشوف الأول وبعدين نحكم، وبعدين فين المشكلة، هي صورة عادية جدا وناس كتير، زيها في الصورة، حرام عليكم اللي بيحصل دة”.
وعلى جانب أخر، استنكر الإعلامي عمرو أديب، الهجوم على منى زكي بعد طرح بوستر مسلسلها الجديد تحت الوصاية المقرر أن يعرض في الموسم الرمضاني المقبل 2023، إذ انتقد البعض ظهورها بحواجب ثقيلة.
وقال عمرو أديب في برنامجه الحكاية: الناس بتقول ليه المحجبة وحشة كانوا عاوزينها محجبة قمر، أنت عارف هي بتلعب دور إيه أصلا؟ هو إيه محاكم التفتيش دي، هو إحنا هنعمل دراما أن فيه راجل خير اتجوز واحدة خيرة وجابوا عيال خيرين وطلعوا للمجتمع وعملوا اختراعات والمجتمع وقف جمبهم ونهاية الفيلم كل المجتمع أخيار إيه الدراما دي؟.
وأضاف عمرو أديب: الدراما دورها إنها تدق ناقوس الخطر وتحل مشكلة وقانون عاوز يتغير، فيبدأ المجتمع يتكون جواه عقل جمعي لمشكلة، زي مسلسل أريد حلا لفاتن حمامة هو ده اللي عمل حالة مش مقالة ولا برنامج.
وأردف أديب قائلا: بلاش يكون فيه دراما في البلد؟، ده المسلسل ما صوروش فيه إلا حلقتين، خلونا نواجه نفسنا، أنتم عارفين إيه سبب الدوشة اللي مع منى زكي، ده لأن فيه ناس مستكترة على منى زكي إنها تعمل دور بالحجاب، هي غلطت في مين ولا ضايقت مين ولا عملت مشكلة مع مين؟، اهدوا شوية وارد وجايز الحوادجب دي تعجبك، أنا مستغرب إحنا واصلين لمرحلة الحواجب هي لازم تطلع وحشة يعني ولو طلعت حلوة وعاملة حواجبها هيتقال هو في محجبة هتعمل حواجبها كده، هو إيه شغل كيد النسا ده؟.
مسلسل نيوتن كان خارقًا ومنى زكي ممثلة جبارة
وواصل عمرو أديب: مسلسل نيوتن كان خارق للعادة وفاخر، ومنى زكي ممثلة جبارة، هو أنتم عاوزين نعملها مبسترة ودراما خالية الدسم، ده إحنا بنشوف كل يوم قتلة في الأسعار والنصب والكذب وبنشوف نماذج لحاجات مشوهة وإلا كانت الدنيا حلوة.
