أعلن الفنان محمد هنيدي أنه يقدم فيلمًا عن حي إمبابة المنطقة التي عاش بها في أول حياته، موضحًا أن جميع ما يقدمه في أعماله رآه في الحقيقة بمنطقته.
وقال هنيدي خلال لقائه في برنامج ضيفي مع الإعلامي معتز الدمرداش عبر ششة قناة الشرق: قريب هكتب فيلم عن إمبابة وهصوره هناك، لأنها مش مجرد مكان اتربيت فيه، أنا ابن كل بيت هناك وهي بلدي ومنطقتي وخدت منها كل حاجة واللي بقدمه في أعمالي شفته في الحقيقة واتربيت عليه، وخرجت بره إمبابة بعد البخيل وأنا لأن والدي لقى العيال بتجري ورايا في الشارع، بيقولوا الواد عطا اهو لأنه وقتها عمل حالة جميلة.
وكشف محمد هنيدي موقفًا طريفًا عن رغبته في السكن بالزمالك وترك إمبابة مع السيناريست أحمد عبد الله، حيث قال: كانت أيام بروفات حزمني يا وكان ليا أجر وممكن آخد سلفة من المسرح، وخدت الفلوس أنا وأحمد عبد الله وقلنا هنقعد في شقة لوحدنا في الزمالك وأنا كنت بحب العود وخدته معايا ودفعنا 600 جنيه في إيجار الشقة، كان وقتها رقم في الشهر وخدت سلفة من المسرح والشقة حلوة أوي ولقينا الإجراءات سريعة، وطلعت أنا وأحمد عبد الله لقينا شقة لطيفة وقلنا نرمي الشنط ونريح ونشوف الحياة بكره.
وتابع هنيدي: لقينا حد بيطبخ كأن أمك بتبطخ وإحنا كنا أجبن اتنين في العالم والموقف يموت من الخوف وقعدنا دقيقتين تلاتة وهو نفس الحكاية والموضوع بيزيد وعيلة بتطبخ وكنا بنشتل بالبطي وأوحش خمس دقايق، ولما لقينا الموضوع بيعلى خدنا هدومنا واتكعبلنا على السلالم والعود اتكسر وجرينا الساعة 4 الفجر وعبدالله راح بين السريات وأنا إمبابة.
