كشفت الفنانة مديحة حمدي، عن تفاصيل علاقتها بحماتها الراحلة، كاشفة أنها كانت ترفض زواجها من نجلها بسبب عملها في كـ ممثلة، ولكن الأمر تحول إلى حب كبير بعد.
وقالت مديحة حمدي في تصريحات تليفزيونية: حماتي كانت زعلانة لما جيت أتزوج ابنها، وقالتله معقول هتتجوز مشخصاتية؟ عندك بنات كتير ومنهم بنت عمتك وخالتك والأطيان والفدادين متطلعش برا، ومن حسن حظي وحظ أولاده أن الشخص ده كان مناسب ليا.
أضافت: زوجي قبل جوازنا كان رايح يعزم عيلته وأهل البلد على فرحنا، ويشاء الله إنه يعمل حادث والعربية نطت على الرصيف، ولأنه كان بيلعب تجديف كان قوي ومسك جامد واتخبط في الدركسيون، وطبعًا القفص الصدري اتكسر واتجبس، ووقتها كان مكتوب كتابنا بس ومكناش اتجوزنا لسة، وخدت شغالتي وروحت وقومت بالواجب أكني والدته، وهنا والدته قالتلي أنا كنت في الأول يا بنتي معارضة جوازكم ولكن بعد ما شوفتك على حقيقتك ووقفتك معانا أنا مش هختار له واحدة غيرك.
كما أعلنت مديحة حمدي سر وصية حماتها لها قبل وفاتها، حيث قالت: حماتي اتعرضت لسرقة كبيرة أوي في فلوس ومجوهرات، ولما عيت في آخر أيامها، مسكنتي أنا دونًا عن بناتها وابنها، وقالتلي أنا شايلة حاجاتي بوفيه السفرة وفيه ورق مكتوب فيه ناس واخدين مني فلوس وإيراد البلد، وأنا لما خدت الحاجات دي خُفت لأن دي معلومة وحقهم وضميري خدني علشان مبقاش مسؤولة مسؤولية كاملة، وحكيت لزوجي واستريحت.
وتابعت مديحة حمدي: كنت بقول لـ حماتي يا ماما، وهي قالتلي أنا كنت رفضاكي في الأول ولكن لما عرفتك وعاشرتك وصلتي إني تكوني موضع سري، والحماة أم أنجبت أولاد وهي متعلقة بيهم ولو الزوج متوفي هي بتتوسم في أولادها الرجالة إنهم يحلوا محل الأب.
