في لفتة إنسانية استجاب الفنان محمد رمضان لطلب رجل يدعى “أحمد عبد الرحمن” يبلغ من العمر 48 عاما من محافظة الدقهلية، طلب منه أن يساعده في الزواج لأنه ليس لديه مصدر رزق.
لفتة إنسانية من الفنان محمد رمضان
وانتشر مقطع فيديو لـ أحمد عبد الفتاح الرجل الذي طلب المساعدة من الفنان محمد رمضان بشكل كبير علي مواقع التواصل الاجتماعي.
وقال “عبد الفتاح” من خلال الفيديو: “ أنا مش معايا أي حاجة ومش معايا تليفون أتصل بحد وعايز محمد رمضان يقف معايا ويجوزني وأنا عايز أوصل له علشان أنا عند 48 سنة ونفسي أتجوز وأجيب أولاد”.
وأضاف: “أنت عندك خير كتير وعايز أقابلك بأي طريقة علشان تشوف حكايتي علشان نفسي أتجوز دا اللي أنا طالبه منك يا محمد يا رمضان”.
وعلق محمد رمضان على فيديو الرجل الذي طلب منه المساعدة قائلا: “اللي أنت عايزه أنا عينيا ليك ابعت لي كل بياناتك ورقم تليفونك على الخاص وهتواصل معاك على طول وربنا يجعلني سبب بسيط في مساعدتك وإسعادك يا رب”.
