نشر الفنان تامر حسني منشورًا جديدًا، يوجه فيه نصائح لجمهوره، وذلك عبر حسابه الشخصي على موقع التواصل الاجتماعي الفيس بوك.
كتب تامر حسني: «يوم جميل على الجميع كالعاده مش بعتبركم محبين فقط لا انا دايماً بشوفكم ناس من اهلي حتى لو بعضكم معندوش الاحساس دا تجاهي
انا بقى عندي تجاهكم كلكم الاحساس دا و دا احساس ربنا زرعه فيا معرفش ليه و معرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فوراً»
وأضاف:«كنت بقرأ موضوع مهم اوي بما اني مجنون قراءه و سماع حبيت اكلمكم عنه و هو ((مجاهدة النفس ))واثق اننا كلنا بنمر بظروف و مؤثرات و افكار بتغير حجات جوانا في ناس بتغيرها للأفضل و في ناس للاسوء و كلامي لكل شخص حاسس من جواه انه متضايق و عنده خطأ في فكره او عقيدته و قناعته او عاده سيئه و معصيه ثابته مش عارف يتخلص منها او صفه في شخصيته مش كويسه و فاقد الامل في تصليحها».
وتابع تامر حسني: «عشان يصلحها و يتغير لازم اول حاجه يعترف بيها قدام نفسه و ميقاوحش و يبرر وجودها لازم يشوفها يبقى : تعترف بيها قدام نفسه، تاخد قرار حاسم في بدء الإمتناع عنها، تدرس المقابل لها في الصالح و تسعى في اتجاهه، اختار اصحاب صفاتهم بعيده عن هذه العيوب و العادات المشابه، اصبر على نفسك في التغيير يعني لو اخدت قرار و رجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي ، خد كمل في اصرارك على التغيير و التطوير و خد كمان مره القرار اهم حاجه راقب نفسك و شوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك و كسبت التحدي نهاركم عسل زيكم».
