تعرض الفنان طه دسوقي لحملة هجومية مكثفة من جمهوره، بسبب جملة “متبقوش فلاحين”، والتي قالها خلال فيديو قام بنشره من خلال حساباته على مواقع التواصل الاجتماعي، مما تسبب في استياء متابعيه، وتوجيه لوم شديد له.
جاء الهجوم على طه دسوقي، بسبب فيديو نشره على حسابه بموقع التواصل الاجتماعي “فيسبوك”، قال فيه بعض الكلمات الناقدة لتصرفات بعض الأشخاص، قائلًا في نهائة الفيديو: “أنتو فلاحين ياجماعة”
طه دسوقي يثير الجدل بسبب “متبقوش فلاحين ياجماعة”
وقال طه دسوقي خلال الفيديو: “صباح الخير ياجماعة، أنا مكنتش عايز أعمل الفيديو ده وسوري طبعًا أنا مش مظبط نفسي بس تمام، بس بجد أنا لقيت كاميرا الموبايل في وشي، فقررت أقلكم تعيشو حياتكم إزاي”.
وتابع طه دسوقي: “ياجماعة ممكن تبقو elegant، أو أي حاجة بتتقال بالإنجليزي عامة، ممكن نبقا أحسن من كدة مع بعض، منحكمش على بعض، أنتو ليه بتحكمو على بعض ياجماعة، ليه تشوفو بنت مثلا مش لابسة طرحه فتقولو عليها مش محجبة مثلًا، أو تشوف واحد ماسك سيجارة تقول عليه مدخن، ليه إصدار الأحكام ده”.
لمشاهدة الفيديو من هنا
واختتم طه دسوقي” أنتو فلاحين ياجماعة، متبقوش فلاحين، متبقوش رمم كدة يعني، عادي سيبو الناس براحتها، وممكن تحافظو على البيئة شوية، ممكن تحافظو على الكوكب اللي احنا عايشين فيه، ممكن نسلم الكوكب ده زي ما استلمناه”.
تعليقات هجومية على طه دسوقي بسبب “متبقوش فلاحين ياجماعة”
لتنهال تعليقات الجمهور بين الهجوم عليه والدفاع عنه، وتوضيح البعض أن ما يقوله طه دسوقي لا يمثل شخصيته الحقيقة.
وجاء في تعليقات الجمهور: “هو مش بيغلط فى الفلاحين هو بيتريق على الناس إلى بتتكلم كدة”.
ولم يمنع حب جمهور طه دسوقي، الهجوم عليه بسبب ما قال في الفيديو: “والله أنا بحبك بس الفلاحين أحسن منك ومن أي حد”.
وعلق الآخر: ” هو واضح أنه يعلق عالناس التافهة، اللي بتتكلم ف أي شئ، اللي ماعندهمش محتوي، بس ياريت وضح شوية لأن في ناس مش فاهمة”.
وقال بعض المتابعين، إن طه دسوقي لم يقصد أبدًا التنمر على متابعيه، وإنما الفيديو بهدف السخرية، حيث جاء في تعليق: “أي الضحك ده أنا ضحكت ع الكومنتس اكتر من الفيديو نفسه، باين أوي أنه بيتريق ع طريقه الناس اللي بتتكلم كده”.
