روت الفنانة فاطمة عيد، تفاصيل قصة زواجها من زوجها الحالي، على الرغم من أنه يكبرها بعدة سنوات ومتزوج من امرأة أخرى ولديه أولاد.
وقالت “عيد” خلال حوارها مع الإعلامية ياسمين عز: “احنا قعدنا سنتين بنحب بعض، انا لما شوفتو كان عندي مشكلة مع جيراني، وجوز اختي جاب تليفونه وقالي هنروح لسيادة الرائد هيحللنا مشكلتنا، وقبل ما اروحلو قولتله انا هتجوزه، والله العظيم مش بكدب، انا كنت بقولها وانا بهزر، سبحان الله ربنا سجلها عنده، وقتها قالي يابنتي ده متجوز ومخلف، قولتله وفيها ايه يعني مش مشكلة”.
وأردفت: “روحت قابلته واعجبنا ببعض من اول مقابل، واخدنا تليفونات بعض، وفضلنا نحب بعض لحد ما جيه في يوم قالي ايه رأيك نتجوز، قولتله ازاي وانت متجوز ومخلف، وكمان متجوز بنت خالته، يعني لما يتجوزني هيبقى زود المبلة طين”.
واستطردت: “ابويا واخويا كانوا رافضين جوازنا تماما عشان متجوز ومخلف، لكن عمي اللي خلاهم يوفقوا، وقالهم اتنين بيحبوا بعض ليه تقفوا في طريقهم، وربنا كان واقف معايا ومتخلاش عني”.
واختتمت: “اتجوزنا وكانت احلى جوازة في حياتي، يعني ربنا راضي عني كل الرضا، والحقيقة هو كان طيب وعاقل اوي وابن اصول”.
أبرز تصريحات فاطمة عيد
وكانت قد أكدت المطربة الشعبية فاطمة عيد، أنها تحب زوجة زوجها الأولى شفيق الشايب، مشيرة أنها ليس لديها أي مشكله في حالة عودتهم مرة أخرى.
وأضافت خلال حوارها مع الإعلامية منى عبد الغني، وهبة الأباصيري، وإيمان عز الدين، في برنامج الستات ميعرفوش يكذبوا، أنها كانت صديقة زوجة زوجها الأولى، وتعتبرها بمثابة أخت لها، معربةً عن حبها الكبير لها وتقديرها لها.
وقالت، إنها لن تغير على زوجها بسب ثقتها به، مؤكدة أنه رجل يتقي الله، قائلة: “لو زوجي ملوش خير في زوجته الأولى يبقى مالوش خير فيا، معنديش مشكلة علشان أنا اللي جاية عليها، أنا ربيت أولاده من زوجته الأولى، وأنا وهي كنا أصحاب، وزوجي رجل حقاني جدًا، وعمره ما جه عليّا يوم”.
