نشر مؤدي المهرجانات عمر كمال ، منشورًا عبر صفحته الرسمية بموقع التواصل الاجتماعي ، يبدوا انه ارد إيصال رساله معينه من خلالها إلى أحد بعينه جاء بها الآتي:
«الناس اللي بتشرب، بتحشش، بتزني و بتعمل اي غلط تاني…. اوعى تحس انك منافق لو حبيت تصلي. اوعى تحس انك منافق لو حبيت تروح الجامع او تعمل حاجات كويسة لربنا تعوض الغلط اللي بتعمله لما تقع. متفقدش الامل في رحمة ربنا. ربنا الغفور، الرحمن، الرحيم..»
وتابع عمر كمال ، الناس اللي بتحكم عليك دلوقتي دي مش ربنا. و رأيهم فيك مش مهم.
وأضاف كمال ، الشيطان لما بيصدق يحسسنا ان احنا بعاد اوي و مفيش امل فينا. و ان احنا مش قد ان احنا نصلي او نقرب لمجرد ان احنا بنغلط، زي اي بشر. “ما هي خلاص بايظة بايظة”.
كما نفى عمر كمال ، : «مفيش حد في الدنيا متكامل او “perfect” و لا حتى الشيخ اللي بتسمعله و لا اكتر حد “متدين” تعرفه».
وأضاف عمر كمال في منشوره، :«ربنا اللي خالقك عارف اللي جواك، عارف انك بتغلط و عارف انك مش عاجبك حالك و انك عايز تتغير».
ثم قال عمر كمال : «ربنا اللي خالقك مش هيشوفك “منافق” لما تغلط مرة و ترجعله، و تغلط تاني و تتوب و ترجعله تاني، ان شاء الله 100 مرة. ربنا اللي عارفك و خالقك مش هيزهق منك زي ما البشر ممكن يزهق منك».
وأضاف عمر كمال ، :«طالما بنغلط و بنقوم و بنرجع تاني و نغلط تاني و نفوق تاني و نحاول تاني، و نطلب من ربنا يساعدنا، يبقى فينا خير، و بنحاول نعمل جهاد للنفس. و مش “منافقين”».
كما قال كمال في منشوره: «اللي شايف حد قدامه بيقع، ييساعده يعلى تاني، او يدعيله. لكن نقعد نحكم على بعض و نتعالى على بعض و نتريق على بعض و نقلل من بعض… لأ».
وأتم كمال قائلًا: ربنا يقوينا و يثبتنا كلنا.