كشف الفنان عمرو رمزي، عن أسباب فشله في السينما، وعن غيابه عن الساحة الفنية، وذلك خلال تصريحات تليفزيونية له.
قال الفنان عمرو رمزي عن تجربة البطولة في فيلمه: «كنت عامل نفسي نجم ورايح أتابع الإيرادات بتاعت فيلمي وكنت واقف قدام السينما بس بعيد شوية جت ناس تتصور معايا فبقولهم عجبكوا الفيلم فقالولي فيلم إيه؟ قولتلهم الفيلم ده بتاعي اللي صورته ورايا قالولي لا إحنا بنتصور معاك علشان بنحبك وعلشان مسلسل فرقة ناجي عطا الله وحيلهم بينهم والأعمال دي وأنا بعدها صدمت».
وتابع عمرو رمزي: «السبب في فشل تجربتي في السينما إن المنتجين ما أعلنوش عن الفيلم إعلان كافي أو التسويق كلها أسباب لفشل التجربة، وفي السينما لازم واحد يكون صايع وعارف مفاتيح اللعبة والغلطة اللي انا عملتها إني اخترت منتجين جداد ومخرجين جدادة وأنا غلط مرتين في الموضوع ده».
وأضاف:«حاولت أخوض تجربة السينما مع منتجين كبار وحاولت كذا مرة بس مش مع نفس الناس علشان أنا لما بخبط باب مرة ما برجعلوش تاني وكلمت كتير من الفنانين اللي اشتغلت معاهم مابيردوش عليا ومعرفتش السبب وراء عدم ردهم عليا رغم إننا اشتغلنا مع بعض أعمال كتير ونجحت».
