عمرو دياب عمل حاجة غريبة في الفرح
و بعد ما خلصنا و قبل ما أروح
قولتله الموقف ده عمري ما انساه طول حياتي
أحمد عصام بيحكي موقف
خلاه يغير وجهة نظره عن الهضبة
ايه الحكاية؟
احتفل الفنان أحمد عصام
صاحب أكبر فرح في مصر
بزفافه وسط عملاقة الغناء و الفن
من أيام بسيطة
و تصدر أحمد عصام التريند رقم 1 على تويتر
بسبب الفرح و المعازيم
و من ساعات قليلة رجع أحمد عصام من تاني
يبقى حديث السوشيال ميديا
و ده بعد إذاعة حلقته في صاحبة السعادة
و اتكلم الفنان أحمد عصام
في الحلقة عن كواليس زفافه
و قال أحمد عصام
أن الهضبة خلاه مصدوم لثواني باللي عمله
و قال: حميد الشاعري
كان هيمشي من الفرح
بسبب انه حس بالتعب
وكان وقتها تامر حسني خلص أغانيه
بس انا طلبت منهم يفضلوا معايا ويغنوا تاني
وغنوا أغنية “واه ياغزالي”
و شاركهم مصطفى قمر في الأغنية
و قال أحمد عصام
أن الفرح تحول إلى ساحة كبيرة
من النشاط و الفرحة
بعد الأغنية لاقينا زحمة في الفرح
عند ابواب القاعة ولقينا حبيبنا
كلنا عمرو دياب وصل
مع إن كان عنده شغل في اليوم ده
عمرو طلع لنا على الممشى
وبارك لنا وحضن حميد عشرة عمره
ومصطفى وتامر ورحبوا بيه
وكلنا بنغني يا غزالي
و بعدها الدي جي من نفسه شغل أغنية جلجلي
حميد الشاعري طلب تغييرها
و يشغل الدي جي أغنية للهضبة عمرو دياب
ولكن عمرو فاجأنا بعدم تغير اغنية جلجلي
و قال ليه توقفوا الأغنية أنا عايز جلجلي
وكلهم غنوها ورقصوا مع بعض
و عمرو دياب صدمنا كلنا
لأن قلبه كبير جداً
