تحدثت الفنانة عفاف شعيب، عن خلع بعض الفنانات للحجاب، وتمثيلهم بالباروكة، وذلك خلال لقائها مع الاعلامي عمرو الليثي، في برنامجه واحد من الناس.
وقالت عفاف شعيب: “ما هاجمتش حلا شيحة وشهيرة وسهير رمزي لما خلعوا الحجاب، لكني زعلت عليهم ودعيت لحلا ربنا يردها ردًا جميلًا وربنا فعلًا ردها، وما قلتش حاجة تسيء لهم لكني زعلت أن كل واحدة قاعدة 27 سنة محجبة ليه يضيعوا السنين دي كلها”.
وتابعت عفاف شعيب: “أنا ما وافقش أعمل دور تمثيلي بالباروكة طبعًا، صعب أعمل كده.. ليه باروكة تغير الدور أفضل وتبقى بحجابها إيه اللي يمنع؟ ليه الباروكة؟”.
وأضافت: “أنا عشت الشهد والدموع.. الحياة مطبات مش وتيرة واحدة يوم حلو ويوم مر يوم غنى ويوم فقر.. الحياة لا تستمر على حاجة واحدة وكل يوم وهو في شأن”.